A Single Girl (1995) French (18+)

கிரடிக் கார்டு முடிந்ததும், முதல் காட்சி..

காலை பொழுது-காப்பி ஷாப்..

காதலர்களின் சந்திப்பு..

10 நிமிடங்களுக்கு இடைவிடாது உரையாடல்கள்..

வெலெரி, தான் கர்ப்பமாக இருப்பதை சொல்கிறாள்..காதலனான ரெமி-குக்கோ வேலையில்லை..உண்மையில் பொறுப்பை துறந்தவன்..அம்மா அப்பாவுக்கு பயந்தவன்..அவளோ கருவை கலைக்க போவதில்லை என்ற முடிவோடு..என்ன செய்வது என்ற விவாதம் முற்றுப்பெறாத நிலையில்..

கடையை-விட்டு வெளியே நடக்க..

பின் தொடரும் கேமரா..

அடுத்த காட்சியில்,

ஹோட்டல்-புதிய வேலை..

புது சக பணியாளர்கள்..

அன்றைய காலையில் அவள் சந்திக்கும் நபர்களும், உருவாகும் சூழல்களும் தொடர்ந்து 50 நிமிட காட்சிகளாக..

அவளது ஒரு மணி நேர பணியை சுற்றி சுற்றி கேமரா..

மீண்டும்,

ஓய்வு நேரத்தில்..காப்பி ஷாப்..காதலர் சந்திப்பு

இங்கு விவாதம் உச்சம் தொடவே இருவரது பிரிவு..

பிறகு,

சில வருடங்கள் கழித்து-சிறுவர்கள் மைதானத்தில்

வெலரி வேலை முடிந்து வர தன் தாயரிடத்தில் அவளது பையன்..

=====================================================================

கருவில் நாம் உருவான நேரம்,,

விபத்தில் சிக்கி, மயிரிழையில் உயிர் தப்பிய வினாடிகள்

காதலை உணர்ந்த தருணங்கள்,,

கல்யாணத்தில் முடிந்த நிமிடங்கள்,,

உங்கள் வாழ்க்கையிலும் ஒரு சில மணி நேரங்கள் படமாகலாம்..ஏ சிங்கில் கேர்ல் படத்தை போல..

நமக்கு தெரிந்தோ  தெரியாமலோ சில மணி நேரங்கள் நம் வாழ்க்கையின் மிக பெரிய அஸ்த்திவாரமாக  இருப்பதை மறுக்க முடியுமா?...நேரத்தின் மகத்துவத்தை அறிந்திராத நம்மில் பலரால் அந்த முக்கியமான நிமிடங்களை நினைவுகூர்வது என்பது முடியாமல் போகலாம்..ஆனால் அவைதான் வாழ்க்கை எனும் வாகனத்தின் எரிபொருள்..

ஃப்ரெஞ்சு சினிமாவின் தாக்கம் பல நாடுகளில் உள்ளது....சுற்றுலா என்று வந்தாலே அதுவும் ஐரோப்பா என்றாலே பேரிஸ்..நகரம் தான் நினைவுக்கு வரும்..அந்தளவுக்கு சினிமா என்பதை தாண்டி அவர்களது மொழி, கலாச்சாரம், கலை, உணவு போன்ற ரசனைகளை அறிந்துக்கொள்ள ஆசைப்படும் மக்கள் நிறைய இருக்கிறார்கள்..அவற்றை முழுமையாக  என்று சொல்லாவிட்டாலும் ஓரளவாவது இருந்த இடத்தில் இருந்து தெரிந்துக்கொள்ள உதவும் மிக பெரிய கருவி சினிமா.. சென்சார் போர்டே இல்லாத..ஃப்ரெஞ்சு சினிமா..

சினிமா கண்டுபிடித்த காலத்திலிருந்தே அங்கு படங்கள் எடுக்கப்பட்டாலும்..உலகமெங்கும் 60 மற்றும் 70 ஆம் ஆண்டுகளில் உருவான சினிமா புரட்சியில் ஏடுக்கப்பட்ட திரைப்படங்கள் இன்றுவரை கொண்டாடப்படுகின்றது..அவற்றை சினிமாவின் மறுமலர்ச்சி என்றாலும் மறுக்க முடியாது.

அந்த காலகட்டத்தில் பிரான்சில், புதிய தோற்றத்தில் உருவெடுத்த எதார்த்தமான படங்களை ரசிகர்கள் "ஃப்ரெஞ்சு சினிமாவின் புதிய அலைகள்" என்று அழைக்கின்றனர்..ஹாலிவுட்டின் கமர்ஷியலை விட்டு விலகி வித்தியாசமான அணுகு முறையில் சினிமா எடுக்க தொடங்கிய காலமது.உண்மையை சொல்ல வேண்டும் என்றால் அமெரிக்க, இங்கிலாந்து போன்ற ஆங்கிலம் பேசும் நாடுகளுக்கு சினிமா எப்படி எடுப்பதென்று ஐரோப்பியர்களும், பிற மொழி படைப்பாளிகளும் பாடம் எடுத்துக்கொண்டிருந்த நேரமது.

கடந்த ஐந்து ஆண்டுகளாகதான் உலக சினிமாவே அறிந்த நிலையில், François Truffaut, Luis Buñuel போன்ற இயக்குனர்கள் மற்றும் இவர்களது சில படங்கள்...இது தவிர ஃப்ரெஞ்ச் சினிமா பற்றிய எனது அறிவும், அனுபவமும் குறைவுதான்..தமிழில் சில விமர்சனங்களை படித்துவிட்டு டவுன்லோடு போட்ட திரைப்படங்களில் சமீபத்தில் நேரம் இருக்கவே பார்த்த படம் தான் ஏ சிங்கில் கேர்ல்..1995-ஆம் வருடம் தயாரிக்கப்பட்ட இதில் "வெலெரி"யாக Virginie Ledoyen-னும் ரெமி-யாக Benoît Magimel-லும் நடித்திருக்கின்றனர்..அதுவும் அந்த கதாநாயகி அழகோ அழகு..நடிப்பில் மட்டுமல்ல..

முதல் காட்சியிலேயே வெலெரி, காப்பி ஆர்டர் செய்யப் போகும்  நடையை காட்டி,

Aren't you overdoing it a bit?  Wiggling your butt like that! You don't see the way guys look at you! என்று

காதலன் பேசும் இந்த வசனங்களே அவனது குணத்தை நம்மிடம் சொல்லி விடுகிறது..என்னதான் கலாச்சாரம் நவீனமாக்கபட்டாலும் எல்லா நாட்டில் உள்ள காதலனும் இப்படிதான் போல என்ற எண்ணம் வருவதை தவிர்க்க முடியவில்லை..இருவரது அடிப்படை குணாதிசயங்களை வெறும் வசனங்கள் ஊடே உணர்த்திய இயக்குனரை கண்டிப்பாக பாராட்ட வேண்டும்.

காலையில் தொடங்கி வெலெரியின் வாழ்க்கையில் மிக முக்கியமாக அமைந்த ஒன்றரை மணி நேரத்தை, அதன் எதார்த்தில் விட்டு படமாக்கிருப்பவர் Benoît Jacquot..சிறந்த படம் என்ற வரிசையில் இதை சேர்க்க முடியாவிட்டாலும்..வித்தியாசம் வித்தியாசம் என்று சொல்லி உயிரை உறிஞ்சும் சில கூட்டம் கட்டாயமாக பார்க்க வேண்டிய படமிது.இப்படியும் படம் சாத்தியமா என்ற வியப்பில் நான்..

மீண்டும் அடுத்த பார்வையோடு..சந்திக்கிறேன்.

பி.கு: 10 நொடிகளே வரும் ஒரு செக்ஸ் காட்சி..இரண்டு நிர்வாண காட்சிகள் படத்தில்.உஷாராக பார்க்கவும்.

Arnold Schwarzenegger ஒரு பார்வை 1

“I’M GOING TO BE THE NUMBER ONE BOX OFFICE STAR  IN ALL OF HOLLYWOOD.”

"பாவனையே இல்ல, கட்டைப் போல நடிக்கிறான்" என்று சொல்லும் அளவுக்கு இறுக்கமான முகம், ஆங்கிலம் சரிவர உச்சரிக்க, பேச தெரியாத நிலை, ஹீரோவாகக்கூட ஆக முடியாமல் பொம்மை போல திரையில் வந்துப்போன அதுவும் அமெரிக்க குடிமகனாக இல்லாத ஒரு நடிகன்,1976 ஆண்டு ஒரு பத்திரிக்கையின் பேட்டியில் கூறியபோது பத்திரிக்கையாளர் உட்பட படித்தவர்களும் அநேகமாக சிரித்திருக்கக்கூடும். குருட்டு நம்பிக்கை என்றிருப்பர், இன்னும் சில கூட்டமோ முன் விட்டு பின்னால் கேளி செய்திருக்கும். சரியாக 15 வருடங்கள் கழித்து 1991 ஆம் ஆண்டு அதே அமெரிக்காவின் பல பிரபல தொலைக்காட்சிகள் "அந்த” நடிகனின் படமொன்றை"உலகத்திலேயே அதிகமாக வசூலான திரைப்படமாகவும்" உலகத்திலேயே அதிகமாக சம்பளம் வாங்கும் நடிகனாகவும்" புகழாரம் சூடிக்கொண்ருந்ததை பார்த்த பலரும் வாயடைத்து போடிருக்கக்கூடும்.அவனா இவரென்று...!!

 பல எல்லைகளை கடந்து போராட்டங்களுக்கு பிறகு உலகமெங்கும் தனக்கான ரசிகர்கள் கூட்டத்தை வசீகரித்துக்கொண்ட அந்த பெயர் Arnold Schwarzenegger/அர்னால்ட் ஸ்வார்சுநேகர்..அநேகமாக அமெரிக்க வரலாற்றில் இந்தளவுக்கு உச்சரிக்க கடினமான பெயரில் சூப்பர் ஸ்டார் உருவாகிருக்க வாய்ப்பில்லை.பாடி பில்டராக தன்னுடைய வாழ்வை தொடங்கி உச்ச சினிமா நட்சத்திரமாக உயர்ந்தது..ஆச்சரியப்படுத்துவதாக இருந்தாலும் அதற்காக அவருடைய தியாகமும் உழைப்பும் அசாதாரணமானது.சமீபத்தில் Arnold Schwarzenegger Biography என்ற டிவி சேனலின் நிகழ்ச்சியை இணையத்தில் பார்க்க கிடைத்தது.அமெரிக்கா போக வேண்டும்:மிக பெரிய ஹாலிவுட் ஸ்டாராக ஆக வேண்டும்:பிறகு கென்னடி குடும்பத்தை சேர்ந்த பெண்ணை திருமணம் செய்ய வேண்டும் என்ற இவரது சிறு வயது கனவுகள்...நனைவாக மாறுவதற்கு பின்னால் இருந்த மிக நீண்ட வரலாற்றை, வாழ்வில் கடந்து வந்த பாதையை காட்சி ஊடாக காண கிடைத்தது.ஆஸ்டிரியாவின் கிராமத்தில் பிறந்த ஒரு சாமான்யன் பிறகு மிக பெரிய ஸ்டாராக உருவெடுத்து ஒரு மகாணத்தின் கவர்னராக மாறிய வரலாறு மிகவும் நீண்ட, வலிகள் மிகுந்த கதை..

"வெற்றி அடைய நினைப்பவர்களுக்கு ஓர் அறிவுரை..முதலில் தோல்விகளை அடையுங்கள், கஷ்டங்களை அனுபவியுங்கள்.உங்களை ராஜாவாக உருவாக்க போவது ரோஜாக்கள் நிறைந்த பாதையில்லை.அவை கரடு முரடான காட்டு முட்கள் நிறைந்தவை..காடுகளை அழியுங்கள்..மலைகளை முட்டுங்கள்.பிறகுதான் வெற்றி கதவு..திறக்க உதவ போவது சாவியல்ல..உங்கள் சாதனை"வாழ்க்கையில் நான் தோல்விகள் சந்திக்கும்போது எனக்கு நானே எழுதிக்கொள்ளும் சொல்லிக்கொள்ளும் வாசகம் இது.

"THERE IS NO OVERNIGHT SUCCESS OR OVERNIGHT SUPERSTAR."

என்று சொல்வார்கள்..ரஜினி, ஜாக்கிச்சான், ஆர்னல்டு போன்ற நடிகர்களை பார்க்கும் போது அடிக்கடி இந்த வாசகம் நினைவுக்கு வரும்.ஒரே நாளில் உயரத்தை தொட்டவர் எவருமில்லை..அதேப்போல் ஒரே திரைப்படத்தின் மூலம் சூப்பர் ஸ்டாராக உயர்ந்த நடிகரும் கிடையாது.அதற்கு பின்னால் இருக்கும் அவமானங்களும் உழைப்பும் எழுத்துக்களால் சித்தரிப்பது கடினம்..வந்தோம் நடிச்சோம்..காசு கிடைத்தது.செட்டல் ஆனோம்.இனி என்ன? என்று நினைப்பவர்களுக்கும் இவர்களுக்கும் உள்ள வித்தியாசம் ஏராளம்.ஒரு வெற்றியை தொடர்ந்து அந்த வெற்றியை தக்க வைக்க போராடும் குணமும் இவர்கள் செய்யும் புதிய முயற்சிகளும் தலைமுறை கடந்த ரசிகர்களை இவர்களுக்கு சொந்தமாக்குகிறது.

எனக்கு பிடித்த டாப் 10 நடிகர்ளில் எம்ஜிஆரும் ஒருவர்.நான் பிறப்பதற்கு முன்னமே மறைந்துவிட்ட நடிகரை எனக்கு பிடித்த நடிகராக என் நண்பர்களிடம் சொன்னால்..என்னடா பழைய நடிகர சொல்ற என்று கேட்பார்கள்.சிலரை காரணமே இல்லாமல் பிடிக்கும்.அந்த வரிசையில் எம்ஜிஆர்-சிவாஜி-இயக்குனர் ஸ்ரீதர், நாகேஸ் என பட்டியல் நீளும்.இவர்களது வாழ்க்கை பின்னனியை உற்றுப்பார்த்தால் கொஞ்சம் புரியும்.சினிமாவில் மட்டுமல்ல எந்த துறையாக இருந்தாலும் மக்கள் மனதை ஆட்கொண்ட எவருமே எளிமையான வழியில் வாய்ப்பு கிடைத்து வந்தவர்களோ, சிம்பிளாக வெற்றிக் கண்டவர்களாகவோ இருக்கவே மாட்டார்கள்.கடின உழைப்பும், விடாமுயற்சியும், பெரிய கனவுகளும், முற்போக்கான சிந்தனைகளும், திறமைகளும் மக்களை தன் வசம் ஈர்க்கக்கூடிய ஆற்றல் கொண்டவர்களாவே இருப்பார்கள்.

நல்ல கதைகளை தேர்ந்தெடுக்கும் போது ஒரு நடிகன், ஸ்டாராகலாம்.நல்ல கதைககள், உயர்ந்த இலட்சியங்கள் இணையும் பொழுது ஒரு சாதாரண ஸ்டார் கூட சூப்பர் ஸ்டாராக உருவாகலாம்.அந்த சக்தி அதற்கு உண்டு.டெர்மினெட்டெர் என்ற கதையும் உயர்ந்த கனவும்தான் இன்று ஜேம்ஸ் கேமரனை அவதார் வரை கொண்டு சென்றுள்ளது.சிறந்த கதைகளும் கனவுகளும்-தான் இந்தியாவின் கல்கத்தாவில் பிறந்த சத்யரஜித் ரே என்ற ஒரு சாதாரண ஓவியனை, மிக சிறந்த இயக்குனராக உலக சினிமா உயர்ந்து பார்க்கிறது.   

ஹெர்க்குலஸ் இன் நியூ யோர்க் படத்தின் மூலம் அறிமுகம் கிடைத்திருந்தாலும், முதல் வெற்றியை அடைய ஆர்னல்டு, சுமார் 12 ஆண்டுகள் காத்திருக்க வேண்டிருந்தது.கானன் தி பார்பரியன் ரசிகர்களை கவர்ந்திட, டெர்மினெட்டர் மக்கள் மனதில் ஆர்னல்டை இடம் பெறச்செய்தது.தொடர்ந்து வந்த கமாண்டவும், பிரேடேட்டரும் சாதாரண நடிகனாக இருந்தவரை ஸ்டாராக மாற்றியது.

40 வயது ஆகிவிட்டது..வாழ்க்கை முடிஞ்சு போச்சுனு என்பவர்கள் இருக்கும் உலகில், LIFE BEGIN AT 40 என்பதற்க்கு ஆதாரமாய் ஆர்னல்டின் அனைத்து வெற்றிகளும் 40 வயதை கடந்த நிலையில்தான் வந்து சேர்ந்தது...ஒரு நடிகராக மட்டுமின்றி தயாரிப்பாளராக, இயக்குனராக, எழுத்தாளராக, சிறந்த பேச்சாளராக தன்னை வளர்த்துக்கொண்டதோடு நில்லாது அமெரிக்காவின் கலிஃபோர்னியா மகாணத்தின் கவர்னராக வெற்றிக்கண்டதை எண்ணும்போது அதிசயக்கவைக்கிறது.          

                                             

"மனம் உண்டானால் மார்க்கம் உண்டு".. 

"ஒரு கனவு கண்டால் அதை தினம் முயன்றால் ஒரு நாளில் நிஜமாகும்" என்ற பாடல்களும் பழமொழிகளும்தான் ஞாபகம் வருகிறது        

ஹாலிவுட் சினிமாவின் எனது முதல் அறிமுகம் ஆர்னல்டும் அவரது திரைப்படங்களும்தான்..அவரது படங்கள் மீதான பைத்தியம் தீர்ந்தப்பாடில்லை..ஏறக்குறைய எல்லா படங்களும் பார்த்துவிட்ட நிலையில் எனக்கு பிடித்த டாப்-டென் ஆர்னல்டு திரைப்படங்கள் பற்றி எழுத வேண்டும் என்ற ஆவல் சமீபத்தில் உதித்தது..அதற்கான முன்னோட்டமாக இந்த பதிவு..மீண்டும் சந்திக்கலாம் "பார்வையோடு"..    

மஹாபாரதம் - பெரிய கதைங்கோ..

ரொம்ப மாதங்களாகவே வியாசரின் மஹாபாரதம் வாசிக்க வேண்டுமென்ற ஆவல் நிறையவே இருந்து வந்தது.இணைய முழுவதும் தேடி ஆங்கில பதிப்பு கிடைத்தாலும் அதை டவுன்லோடு போட்டாலும் படிக்க வேண்டும் என்ற ஆர்வம் முற்றிலும் இல்லை (இங்கிலிஷ் தெரியாதுனு இல்லங்க).. என்னதான் ஆங்கில நாவல், புக்ஸ் படித்தாலும் மஹாபாரதம் மட்டும் தமிழில்-தான் ரசிக்க வேண்டும் எண்ணம் எனக்குள்.

அந்த வரிசையில் நாராயணன் மீது பாரத்தை போட்டு இன்னொரு ரவுண்டு இண்டெர்னெட்டில் வலம் வர, ஆச்சரியமாக அந்த வியாச பாரதம் முழுமையான தமிழ் மொழிப்பெயர்ப்பில் சுமார் 6000 பக்கங்கள் கூடிய இ-புக் கிடைச்சதுங்க..சுமார் 900 MB இருக்கும்..படிக்கலாமுனு ஆரம்பிக்க கணினி படுத்துருச்சி.ரீ ஃபோர்மட் பண்ண வேண்டிய கட்டாயம்..பேக் காப்பும் பண்ணாது போனதால மொத்த ஃபைலும் அம்பேல்..

சரி போனால் போகட்டும் போடா என்று மீண்டும் இணையத்துக்கு வந்தால் அங்க இருந்த எல்லா டவுன்லோடு லிங்க்கும் இறந்துப் போச்சுங்க..என்னடா நாராயணா சோதனை-னு முகத்துல கைய வச்சு தேடுனேன்..தேடினேன் தேடினேன் தேடி தேடி தேய்ந்தேன், பாரதம் என்னும் அமுதம் பருக இனி பாக்கியமில்லையோ என நூடல்ஸூம் ஆனேன்.

சரி நமக்கு வாய்ச்சது ஆங்கிலம்-தானு திறக்க போகவே, திடீர்னு ஒரு பிளாக், அங்க அவர் வாசித்த புத்தகங்களின் தரவிறக்க லிங்கை அளித்திருந்தார்.அதில் தேடவே மஹாபாரதம் என்ற பேரில் ஒரு PDF. வியாச பாரதமோ என்ற எதிர்ப்பார்க்க எழுத்தில் "வான்மிகீயூர் மஹாபாரதம்" என இருந்தது.அது அந்த பிளாக் உரிமையாளர் உருவாக்கிய புத்தகம் என்பதை பின்புதான் அறிந்தேன்.(பிளாக் லிங்க் மேலே இருக்குங்க)

சுமார் 200 பக்கங்கள் உள்ள புத்தகம் அது, அவரது பேருதவியால் ஏதோ படித்து முடித்தேன்.மஹாபாரத கதையின் சுருக்கம்தான் அப்புத்தகம் என்றாலும் விரிவாகவே பல கதைகள் எழுதப்பட்டிருந்தன.புத்தகத்தின் இறுதி பக்கங்களில் கவிஞர் கண்ணதாசன் மகாபாரதம் பற்றி கூரிய வார்த்தைகள் சில இடம் பெற்றிருந்தன.அதோடு கதைகளில், கதாபாத்திரங்களில் இடம் பெற்ற சில நன்னெறி, நல்ல விஷயங்களும் குறிப்பிடப்பட்டுள்ளன.மொத்தத்தில் எல்லாமே ரொம்ப எளிமையாக அறிந்துக்கொள்ளக்கூடிய வண்ணமே இருந்தது.

வான்மிகீயூர் LL சங்கர் அவர்களுக்கும் பல நன்றிகள்.

இனி பாரத கதையின் ஆங்கிலத்தையும் ஒரு முறை படித்துவிடலாம் என முடிவு செய்துள்ளேன்..ரொம்ப நாள் ஆகலாம்..டைம் கிடைத்தால், அந்த பெருமாளின் ஆசிர்வாதம் இருப்பின் கண்டிப்பா முடிச்சிருலாம் என்ற நம்பிக்கை உண்டு.பாரத கதையை படிக்க விரும்புவர்கள் மேலே உள்ள புத்தகம் கண்டிப்பா படிக்கலாம்.அதுவும் என்னை போல முதன் முதலாக பாரதம் படிக்க ஆர்வமுள்ளோருக்கு ஒரு ஆரம்பமாக இருக்கலாம்.மீண்டும் அடுத்த பதிவில் ஏதாவது ஒன்றோட மீட் பண்ணலாம்.அதுவரை

Eight Below (2006) : அண்டார்ட்டிக்கா..

அண்டார்க்டிக்கா......வலுவான தோற்றத்தில் ஆண்மையையும் அழகிய உருவமைப்பில் பெண்மையையும் இரண்டர கலந்திருக்கும் உலகின் விசித்திரமான பூமி.குமரிக்கண்டம், அட்லாண்டிஸ் போன்ற வியக்கத்தக்க பேரதிசயங்களை பற்றிய தேடலில் நான் கண்டுக்கொண்ட இன்னொரு உலகம்.எங்கும் பனிப்பாறைகள், ஆளைக் கொல்லும் குளிர் என்று தனக்குள் எந்த அரசியலையும் பெரும்பாலும் சிக்கவைக்காத ஆச்சரியமிக்க கண்டம்.கடந்த மூன்று நூற்றாண்டுகளில் அங்கும் வாழ தன்னை பழக்கப்படுத்தி கொண்டான் மனிதன்.சின்ன வயதில் எனக்குள் ஏற்பட்ட தாகம்தான் அண்டார்டிக்கா போன்றவை.நாளிதழ், இணையம் என்று எங்கு இந்த பெயரை கேட்டாலும் ஓரளவாவது கண்களை அசைத்து விட்டுதான் நகர்வேன்.இணையத்தில் புகைப்படங்களை தேடி பார்த்து மகிழ்வேன்.அதுவே ஒரு திரைப்படம் அண்டார்டிக்காவை மையப்படுத்தியதென்றால்..

ஓர் உண்மை கதையின் பிரதிபலிப்பாய் ஏய்ட் பிளோ திரைப்படம் :

ஜெர்ரி ஷெப்பர்ட் அண்டார்க்டிக்கா ஆராய்ச்சி கழகத்தில் பயண வழிக்காட்டியாக பணிப்புரிந்து வருபவர்..படுக்குளிரும் பனியும் ஒரு சேர உறவாடும் அப்பகுதியில், அவருக்கு துணையாக எட்டு சவாரி செய்யும் நாய்கள்.ஒரு நாள், புதன் கிரகத்திலிருந்த ஒரு அரிய வகை கல், மெல்போர்ன் என்ற பகுதியில் இருப்பதாக கூறிக்கொண்டு வருகிறார் பேராசிரியர் டேவிஸ் மெக்லேரன்.ஷெப்பர்ட், அங்கு பனிப்பாறைகளின் பிளவுகள் அதிகம் இருக்க வாய்ப்புகள் உண்டு என்று எச்சரிக்கிறார்.அதை மீறியும், தனது பாஸ் உத்தரவின் பேரில் ஷெப்பர்ட், அந்த இடத்துக்கு அழைத்து செல்ல சம்மதம் தெரிவிகிகிறான்.மறு நாள் காலை, இருவரும் எட்டு நாய்களின் சவாரி பயணத்தோடு புறப்படுகிறார்கள்.

அது ஒரு நீண்ட தூர பயணம்...எங்கும் பனிப்பாறைகளும் பிளவுகளும் உயிரை காப்பாற்றிக்கொள்ள எடுக்கும் முயற்சிகளும் என அத்தனையும் பயங்கரமான தருணங்கள்.கண்ணில் கண்ட அழகெல்லாம் உண்மைகள் இல்லை..ஆபத்துகள் அதிகம் என்பதை சொல்லாமல் சொல்கிறது அண்டார்ட்டிக்கா போலும்,

இவர்களது பயணத்துக்கு இடையே, கழகத்திலிருந்து ஷெப்பர்ட்டுக்கு அழைப்பு வருகிறது.அதாவது, பலத்த புயல் தாக்கவிருப்பதாகவும் ஆதலால் விரைவில் திரும்பிவிடவும் என்று செய்தி வருகிறது.அன்று அங்கேயே தங்கிவிட்டு காலையில் முதல் வேலையாக புறப்பட வேண்டும் என பேராசிரியரிடம் கூறுகிறான்.ஆனால், "வந்த வேலை முடியவில்லை. மெல்போர்னுக்கு வந்திருப்பினும் கல்லை இன்னும் தேட தொடங்கக் கூட இல்லை.இவ்வளவு தூரம் உயிரை அடகு வைத்து இங்கு வந்துவிட்டு கல்லை தேடாது சென்றால் எல்லாம் விரயம் ஆகிவிடும்" என்று பேராசிரியர் ஷெப்பர்ட்டிடம் சொல்கிறார்.முதலில் மறுக்கும் அவன் பிறகு ஒத்துழைக்கிறான்.காலை விடிந்தது.தேடலில் இருவரும் இறங்குகிறார்கள்..இறுதியில் அந்த அரிய கல் கிடைக்கவே அங்கிருந்து கிளம்புகிறார்கள்.இதற்கிடையே, புயல் தனது வேகத்தை அதிகரித்துக் கொண்டு இந்த இடத்தை தாக்கவிருப்பதாக செய்தியும் நிலையத்துக்கு கிடைக்கிறது.

எட்டு நாய்களும் வேகத்தோடு இவ்விருவரையும் இழுத்துக் கொண்டு போகிறது.. திடீரென்று ஒரு நாயுக்குக்கு ரத்தம் கசியவே, இறங்கி பார்க்க வருகிறார் ஷெப்பர்ட்.அவரோடு இறங்கிய பேராசிரியர் தப்பித்தவறி பனி பிளவு ஏற்பட்டு கீழே விழவே கால் முறிகிறது.பற்றாக்குறைக்கு பனிகட்டியும் வேறு, உடைந்து தண்ணீரில் தத்தளிக்கிறார்.எப்படியோ நல்ல வேளையாக நாய்களின் உதவியோடு ஷெப்பர்ட் அவரை காப்பாற்றுகிறார்.இதற்கிடையே புயல் வேகம் அதிகரிக்கிறது.நாய்கள் காட்டுமிராண்டித்தனமாக அவ்விருவரையும் இழுத்து செல்கிறது.உடல் நலம் பாதிக்கப்படுகிறார் ஷெப்பர்ட். இறுதியாக, நாய்களின் அயராத உழைப்பால் நிலையத்துக்கு வந்து சேர்கிறார்கள்.

உடல் நலம் குன்றிய நிலையில், நாய்களை இங்கேயே விட்டுவிட்டு அனைவரும் கிளம்புகிறார்கள்.இவர்களை நல்லப்படி சேர்த்துவிட்டு, மீண்டும் வந்து நாய்களை அழைத்துவருவதாக வாக்குறுதியும் அளிக்கிறார்கள். ஆனால், நடந்தது என்ன ? கடும் பனிப்புயலால் தடை விதிக்கப்படுகிறது.யாரும் அந்த இடங்களுக்கு செல்ல முடியாதவாறு தடுக்கப்படுகிறது.நாய்கள் அங்கே..நாயகன் இங்கே !! உயிர்களை காப்பாற்றி பல செயல்களுக்கு உறுத்துணையாக விளங்கிய அந்த நாய்களை காப்பாற்றினார்களா ? இல்லை உயிர்பலிகள் ஏதேனும் நிகழ்ந்ததா ?? போன்ற பல கேள்விகளுக்கு விடைக்கான திரைப்படம் பார்ப்பதே உத்தமம்.

பொதுவாக நாய்களை மையப்படுத்தி வரும் படங்களை அதிகம் நான் பார்த்ததில்லை. கண்டவரை எனக்கு பிடித்த படங்களாக லாஸ்சி மற்றும் தெ எட்வெண்டுரஸ் ஓஃப் யெல்லோ டோக் ஆகியவற்றை சொல்லலாம்.பெரும்பாலான இந்த படங்களில் நாயகனை சிறுவனாக காட்டி, அவனுக்கு அந்த நாய் செய்யும் உதவிகளை சொல்லிருப்பார்கள்.அந்த வரிசையில் எயிட் பிளோ இதுவரை வந்த நாய் சம்பந்தபட்ட திரைப்படங்களில் சிறந்த படம்.மிருகங்கள் மீதான மனிதர்களின் சுய நலத்தை, நாய்களுக்கு உள்ள சிறந்த குணங்களை அவ்வளவு சிறப்பாக காட்டிருக்கிறார்கள்.

மெல்லிய மனதை உறையவைக்கும் சில்லென்ற ஒரு கதையை அதே போக்கில் விட்டு படமாக்கி இருப்பவர், ஐந்து முறை ஆஸ்கருக்கு பரிந்துரைக்கப்பட்டவரும் ஸ்பீர்பெர்க் அவர்களின் ஆஸ்தான தயாரிப்பாளர்களில் ஒருவரான ஃப்ரேங்க் மார்ஷல்.அநேகமாக இவருக்கு சர்வைவல், எட்வெண்ட்ச்சர் போன்ற கதைகளில் அதிக ஆர்வங்கள் இருக்கும் என நினைக்கிறேன். சில மாதங்களுக்கு முன்னர் எலைவ் என்ற படத்தை பார்க்க வாய்ப்பு கிட்டியது.ஒரு விமான விபத்தால் அலாஸ்கா தீவில் சிக்கி உயிருக்கு போராடும் ரக்பி ஆட்டக்காரர்களை பற்றியது அது.உண்மை சம்பத்தின் தழுவலில் வந்த அப்படத்துக்கு ஈடுக்கொடுத்து மனிதனுக்கும் நாய்களுக்குமான ஓர் அற்புத உறவை திரையில் காண்பித்துள்ளார் இயக்குனர்.

கதைனாயகனாக, அலட்டிக்கொள்ளாமல் கதைக்கு தேவையான நடிப்பை இயல்பாக வழங்கிருக்கிறார் Paul Walker.தான் வளர்ந்த நாய்களை தொட்டு தழுவி அரவணைக்கும் போதும், நீண்ட தூரமிட்டு தனது உயிர்களை நினைத்து வருந்தும்போது பாசத்தையும், பேராசிரியருடனான பயணத்தில் அவருக்கு ஆபத்து ஏற்படும் வேளையில் படப்பட உணர்வையும் குரல், முகம் என அனைத்தையும் தெளிவாக வெளிப்படுத்தியுள்ளார்.

அதே போல கதைக்கு தேவையான துணைக் கதாபாத்திரத்தில் ஹீரோயின் Moon Bloodgood  போன்றவர்கள் தத்தம் நடிப்பில் ஒளி வீசியுள்ளனர்.அப்புறம், சும்மா சொல்லக்கூடாது நாய்கள் அத்தனையும் செம்ம பியுட்டி..

அழகான ஃபோட்டோகிராப்பிக் - அதன் மீதான எனது அலாதியம் மிக பெரியது.டிரைலர் பார்த்துவிட்டு வெறும் கேமராக்காகவே எத்தனையோ படங்களை பார்த்த அனுபவம் உண்டு..அதுவும் எயிட் பிளோ படத்தின் கதைச்சுருக்கத்தை படித்தவுடனே எப்படியும் பார்த்துவிட வேண்டும் என தோன்றிற்று.அதற்கு முதன்மை காரணம், அண்டார்ட்டிக்கா என்ற பெயரும் குளிரும்தான்.அலாஸ்கா, கிரின்லாந்து போன்ற இடங்களில் எடுக்கப்பட்ட இப்படத்தில் வரும் குளிரை நாமும் உணர்ந்திடும்படி செய்துள்ள ஒளிப்பதிவாளர் Don Burgess அவர்களுக்கு நன்றிகள்.

இந்த சாதாரணமான கதையை வெறும் மனிதர்களை காட்டியே எடுத்திருந்தால் மொக்கையாகிருக்கும். அதை தவிர்க்க, தனது எஜமானரை பிரிந்து ஏங்கி தவித்து உயிருக்கு போராடும் நாய்களின் சூழலை வசனங்கள் இன்றி சிறப்பாக எடுத்துரைக்கும் காட்சிகளை எடுத்திருக்கும் திரைக்கதையாளர், இயக்குனர் மற்றும் படக்குழுவினரை எவ்வளவு பாராட்டியும் தகும்.அதுவும் பிற்ப்பாதியில் நாய்களின் சாகசங்கள் அசத்தலாகவும் (பனிச்சிறுத்தை உடனான சண்டை உட்பட) இருக்கும்.கிளைமக்ஸ் என்னதான் ஓரளவு மகிழ்ச்சியானது என்றாலும் படம் முழுவதும் வரும் ஒரு விதமான மெல்லிய சோகம் நம்மையும் தொற்றிக்கொள்ளும். அச்சோகம் சுகமானதும் கூட...

நல்ல காலை, மாலை அல்லது இரவு நேர மழை வேளையில், வீட்டுக்குள் குளிர்ச்சாதனம் போட்டவாறு அல்லது ஜன்னல்களை திறந்துவிட்டவாறு பார்த்து ரசிப்பதற்கு ஏகுவான திரைப்படம் எயிட் பிளோ.அதுவும் நாய் வளர்ப்பவர்கள் மிஸ் செய்யக்கூடாத, சிறுவர்களோடு கட்டாயம் பார்க்க வேண்டிய சினிமா.

@@====================================@@@======================@

Eight Below (2006) : எட்டு ஹீரோக்கள்..ஒரு நாயகன்

@@====================================@@@======================@