Monday 30 January 2012

Psycho / சைக்கோ (1960) : அவளை கொன்றவன் யார் ??

ஹிட்ச்காக் திரைப்படங்கள் (Hitchcock Films) என்ற தொடரின் முந்தைய பதிவுகளை படிப்பதற்கு : 


===============================================================

Film : Psycho            Years : 1960
Country : United States      Rating : R
Director : Alfred Hitchcock    
Writers : Joseph Stefano (screenplay), Robert Bloch (novel)
Stars : Anthony Perkins, Janet Leigh and Vera Miles
Awards : Nominated for 4 Oscars. Another 5 wins & 3 nominations See more awards »

  சுமார் 50 ஆண்டுகள் கடந்தும், இன்றுவரை உலகம் முழுவதும் உள்ள சினிமா காதலர்களால் கொண்டாடப்படும் ஹிட்ச்காக்கின் மாஸ்டர்பீஸ்களில் ஒன்றுதான் சைக்கோ. ஹாலிவுட் மட்டுமின்றி உலக சினிமாவின் மிகச் 
சிறந்த கிளாஸிக்குகள் பட்டியலில் தவறாது இடம்பெறும் ஒரு உனனத படைப்பாக இதனை கூறலாம். 1959 - ஆம் ஆண்டு எழுத்தாளர் Robert Bloch கைவண்ணத்தில் ஒரே தலைப்பிலான நாவலை அடிப்படையாக கொண்டு 1960 - ஆம் ஆண்டு Joseph Stefeno - வின் மிகச் சிறந்த திரைக்கதை அமைப்பில் ஹிட்ச்காக் இயக்கத்தில் வெளியானது.4 ஆஸ்கர்களுக்கு பரிந்துரைக்கபட்ட இப்படத்தின் முக்கியமான கதாபாத்திரத்தில் Anthony Perkins, Vera Miles, John Gavin, Martin Balsam, John McIntire, Janet Leigh ஆகியோர் நடித்து கதைக்கு மேலும் பலத்தை சேர்த்துள்ளனர்.  


ஒரு திரைப்படத்தின் ஏறக்குறை முழு கதையையும் முன்னமே இணையத்தளங்களில் படித்துவிட்டு படங்களை பார்க்கும் பழக்கத்தை வழக்கமாக கொண்டவன் நான்.ஆனால் ஹிட்ச்காக்கின் திரைப்படங்களுக்கு மட்டுமே இந்த வழக்கத்தினை சில வேளைகளில் விதிவிலக்காக வைத்துள்ளேன்.அதுவும் மேற்கூறிய திரைப்படத்திற்க்குப் பிறகுதான் என்பதில் பெரிய ஆச்சரியமில்லை.ஏனெனில் குறிப்பாக ஆல்ஃப்ரெட் ஹிட்ச்காக் அவர்களின் திரைப்படங்களை கதைகள் அறியாமலும் எந்த ஒரு கற்பனைகள் செய்யாமலும் பார்க்கும் பொழுது சற்று அதிகமாகவே சுவாரஸ்யங்களை உணர்வதும் ஒரு காரணம் எனலாம்.சஸ்பிஷன் போன்ற படங்களை தவிர்த்து இது போன்ற திரைப்படங்களின் கதைகளை சொல்வதை தவிர்க்கலாம் என்று விரும்புகிறேன் (தவறாக நினைத்தால் மன்னிக்கவும்).அதுவும் நீங்கள் ஒருவேளை இத்திரைப்படத்தை முதல் முறையாகப் பார்க்க விரும்பினால், இந்த அணுகுமுறை சரியாக இருக்கும் என்றே நினைக்கின்றேன்.

சைக்கோ திரைப்படத்தைப் பற்றிய சில 
=============================================
சுவாரஸ்யங்கள் :
======================= 


உண்மைச் சம்பவங்களை அடிப்படையாக கொண்டே எழுத்தாளர் Robert Bloch  இந்நாவலை எழுதியுள்ளார்.மேலும், இயக்குனரான ஆல்ஃப்ரெட் ஹிட்ச்காக்கின் கலை உலக வரலாற்றில் இறுதியாக எடுத்த கருப்பு வெள்ளை திரைப்படம்தான் இந்த சைக்கோ.
=======================

  "A boy's best friend is his mother"
      - Norman Bates in Psycho 

மேலும், இத்திரைப்படத்தில் Norman Bates  என்ற கதாபாத்திரத்தில் வரும் The Trial (1962)  படப்புகழ் Anthony Perkins..கண்களினாலேயே நடித்துவிட்டு சென்றிருக்கிறார்.. சாதாரணமான ஆள் நடமாற்றமே இல்லாத பேட்ஸ் என்னும் மோட்டெலுக்கு உரிமையாளராக வந்து இறுதிவரை தனது சின்ன சின்ன ஆழமான எக்ஸ்பிரஷன்களின் மூலம் தன் நடிப்புலக வரலாற்றில் ஒரு மைல் கல்லை தொட்டிருக்கிறார்..நல்ல நடிப்பாற்றலை ஆதரிக்கும் அல்லது விரும்பும் எந்த ஒரு ரசிகருக்கும் இவரது நடிப்பு ஒரு விருந்து எனலாம்.அதுவும் ஆக இறுதி காட்சியில் பின்னனியில் அந்த பெண் குரலுக்கு..யெப்பா சான்ஸே இல்லை..
===============================

அடுத்தது, Marion Crane என்ற பாத்திரத்தில் நடித்திருக்கும் Janet Leigh..தொடக்க காட்சியில் காதலுடனான உரையாடலில் ஆரம்பமாகும் .இவரது திருட்டு முக பார்வைகள் படம் பாதிவரை நிலவுகிறது.."திருட்டு" என்ற வார்த்தைக்கு பொருத்தமாகவும்  கதையில் நடந்துக்கொண்டு ஆஸ்கர் பரிந்துரையும் கூடவே பெற்றுவிட்டார்..இவர்தான் கதாநாயகி இனி இவரை சுற்றிதான் கதை என்று அனைவரும் நம்பும்படியாக வைத்துவிட்டு பிறகு கொடுக்கு வெடி இருக்கிறதே..அதுதான் ஹிட்ச்காக்கின் பன்ஞ்.
========================================

இன்றுவரை சினிமா ரசிகர்களால் மறக்க முடியாத பல அற்புதமான எவெர்கிரீன் காட்சிகள் படம் முழுவதும் நிரம்பி வழிகிறது.குறிப்பாக, அந்த குளியலறைக் காட்சி இன்றும் பலரை அதிர்ச்சியில் உறையவைப்பதாக படம் பார்த்த புதிதில் இணையத்தில் படித்தேன்.கேமரா கோணங்கள், ஆர்ட் டைரக்ஷன், துளிக்கூடச் சலிப்படையச் செய்யாதக் காட்சிக் கோர்வைகள், கதைச் சொன்ன விதங்கள் என்று ஒளிப்பதிவாளர், இயக்குனர் மற்றும் படக்குழுவினரின் உழைப்பு ஒவ்வொரு ஃபேரேம்களிலும் தெரிவதோடு இதுவே இவர்களை ரசிகர்கள் மத்தியில் தலைநிமிர்ந்து நிற்க்கச் செய்கின்றது.
==============================================

சிறந்த இயக்கம், ஒளிப்பதிவு,கலை மற்றும் நடிப்பு என்று 4 ஆஸ்கர் விருதுகளுக்கு பரிந்துரைக்கபட்டது குறிப்பிடதக்கதாகும்.
==================================================

Entertainment Weekly வெளியிட்ட சிறந்த திகில்ப்படங்கள் வரிசையில் சைக்கோ ஏழாவது இடத்தைப் பிடித்தது சிறப்பாகும்.அதோடு 2007 ஆம் ஆண்டு American Film Institute வெளியிட்ட மிகச் சிறந்த திரைப்பட பட்டியலில் பதினேழாவது இடத்தையும் பிடித்துள்ளது.
======================================================

கடந்த நூற்றாண்டின் அமெரிக்காவில் உருவாக்கபட்ட மிகச் சிறந்த திகில் திரைப்படமாக உலகமெங்கும் உள்ள ரசிகர்களாலும் விமர்சனர்களாலும் பரவலாக கருதப்படும் சைக்கோஇன்றைய பல கலைஞர்களுக்கும் திரைப்படங்களுக்கும் ஒரு முன்னோடியாக திகழ்வதை யாராலும் மறுக்க முடியாது என்றால் அது மிகையாகது.

============================================================


Infamous for its shower scene, but immortal for its contribution to the horror genre. Because Psycho was filmed with tact, grace, and art, Hitchcock didn't just create modern horror, he validated it.

            - Rotten Tomatoes


உலகளாவிய நிலையில் பல ரசிகர்கள் மறும் விமர்சகர்ளாலும் 
பெரிய அளவில் பாராட்டை தொடர்ந்து பெற்று வரும் இத்திரைப்படம் தற்பொழுது ரோட்டென் தொமொதோஸில் 99 % சதவீதம் மதிப்பெண் பெற்றுள்ளது.
==========================================

பெர்னார்ட் ஹெர்மனின் இசை படத்துக்கு அஸ்த்திவாரம் என்று சொல்லுமளவுக்கு அவ்வளவு பக்குவமாக அமைத்திருக்கிறார்.அவர் போட்ட டீம் இசை இன்றுவரை என் கணினியில் வைத்துள்ளேன்.

=======================================================================


கடந்த 50 ஆண்டுகளில் இந்த படத்தின் தாக்கத்தில் மட்டும் உலகளவில் நிறைய படங்கள் வந்துள்ளதாக கூறப்படுகிறது.  நல்ல ஹாரர் படங்கள் என்றுமே நீங்காத உணர்வுகள் கொடுக்க கூடியவை.. இது தனிப்பட்ட முறையில் நான் சில படங்களில் அனுபவித்தது.இந்த படமும் அந்த வகையை சேர்ந்ததே.இந்த ஒரு வருடத்தில் ஐந்து முறையாவது பார்த்து ரசித்த படம்..கண்டிப்பாக ஹாரர் பிரியர்கள் மட்டுமன்றி சினிமா வெறியர்கள் பார்க்க வேண்டிய ஒரு அருமையான சைக்கலோஜிக்கல் ஹாரர் திரைப்படம் சைக்கோ (1960). 


IMDB : 8.6 / 10
MY RATING : 8.7 / 10 : A Chilling Horror Piece Of Art.
===============================================================


   கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்.ஏதேனும் தவறாக குறிப்பிட்டிருந்தால் மன்னிக்கவும்.மீண்டும் அடுத்த பதிவில் சந்திக்கலாம்.அதுவரை நன்றி மற்றும் வணக்கம்.


உங்கள் ஆதரோவோடு,

Monday 23 January 2012

மாத வாரப் பதிவுகள் : டிசம்பர் 14 ===> ஜனவரி 23 - தமிழ்ப்பதிவுகளின் சிறிய தொகுப்பு..

@@ கடந்த சில நாட்களாக சில நல்ல படங்களை பார்க்க நேரம் கிடைத்தது..கிடைத்த அனுபவத்தில் எழுதிய பதிவுகளே சென்ற ஒரு மாதத்தில் பார்வைகளாக வந்தவை.அதை பற்றியும், பிறப்பதிவுகள் பற்றிய தொகுப்பாக இன்றைய பார்வை...@@@




@@-@@-----
ஆல்ப்ரட் ஹிட்ச்காக் படங்களின் மீது தனிப்பிரியம் கொண்டவன்..அவரது படைப்புகள்  நிறையவே எனது சினிமா ரசனையை மாற்றியமைத்த அனுபவமும் எனக்கு உண்டு..அந்த வகையில் வலை தொடங்கி எழுதிய இந்த அறிமுக பதிவை பல மாற்றங்கள் செய்து இந்த பதிவாக தந்துள்ளேன்.

---@@-----@@-----
ஹிட்ச்காக் அறிமுக பதிவோடு தொடர்ந்து பார்த்து உடனே எழுதிய சஸ்பென்ஸ் ரொமாண்டிக் திரைப்பட பார்வை.
                           
----@@------@@-----
 பொதுவாக நான் ஹாலிவுட், தமிழ் படங்களை தவிர வேற்று மொழி படங்களை பார்ப்பது மிகவும் குறைவு..என்றாவது சில நல்ல படங்கள்  கண்ணில் அல்லது மனதில் பட்டாலே பார்ப்பது வழக்கம்.அந்த வரிசையில் பார்த்த படம்..அருமையான அம்சங்கள் நிறைந்த செர்பியா நாட்டு படைப்பு இது.
                       
----@@--@@-----
கிறிஸ்துமஸ் தினத்தில் தொலைக்காட்சியில் தற்ச்செயலாக பார்த்த காமெடி வகையில் வந்த அமெரிக்க டிவி மூவி இது..மனதுக்கு இதமாக அமைந்த படம்
                      


----@@--------------@@-----
ஆக்சன் பட விரும்பிகளில் நானும் ஒருவன்.. நல்ல படங்கள் என்று எதாவது வந்தால் உடனே இல்லாவிட்டாலும் ஓய்வு நேரத்தில் பார்த்துவிடுவேன்.அந்த வரிசையில் பார்த்த அட்டகாசமான ஆக்சன் ரசிகர்களின் விருந்து இது.

===========================================================================

@@ கடந்த மாதங்களில் ஓய்வு நேரங்கள் பல தமிழ்ப்பதிவுகள் வாசிக்கவும் ரசிக்கவும் வாய்ப்புகள் கிடைத்தது.அந்த பதிவுகள் சிலவற்றை மட்டுமே தர இயல்கிறது..வாசகர்கள் இந்த பதிவுகளையும் வாசித்து செல்லுமாறு கேட்டுக்கொள்கிறேன்.@@@


(2) கருந்தேள் டைம்ஸ் 5 - SOPA & PIPA (கருந்தேள் கண்ணாயிரம்)

(3) 50/50 [2011], The Green Mile [1999] (என் மன வானில்)










(13) போதி தர்மனின் சூத்திரம்-ஓஷோ விளக்கம் ( Chilled Beers - மச்சி ஓப்பன் தி பாட்டில்!)


(15) தமிழ் சினிமாவில் என்றும் தி பாஸ் & மாஸ் சிவாஜி(என்னைக்கவர்ந்த பிரபலங்கள்) (nanparkal/நண்பர்கள்)


===========================================================================

ஏதேனும் தவறாக குறிப்பிட்டிருந்தால் மன்னிப்பதோடு கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்....மேலும், தங்களுக்கு பதிவுகள் பிடிக்குமெனின் ஓட்டளித்து ஊக்கமளியுங்கள்.சிறந்த ஆதரவுகளே சிறப்பான படைப்புகளை உருவாக்கும் என்ற நம்பிக்கையில் மீண்டும் அடுத்த பதிவில் சந்திக்கலாம்..அதுவரை நன்றி மற்றும் வணக்கம்.

உங்கள் ஆதரோவோடு,

Thursday 19 January 2012

Suspicion (1941) : கணவன் மீது சந்தேகம்..

ஹிட்ச்காக் திரைப்படங்கள் (Hitchcock Films) என்ற தொடரின் முந்தய முதல் பாகத்தை படித்து வருமாறு கேட்டுக்கொள்கிறேன் : சினிமாவின் புது மொழி 

வழக்கமாக பார்க்கும் ஹிட்ச்காக்கின் திரைப்பட வரிசையில் பார்த்த ரொமாண்டிக் சைக்கலோஜிக்கல் திரில்லர் வகையை சார்ந்த இந்த படம் இன்றைய பார்வையாக
....


Film : Suspicion    Year : 1941
Country : United States       Rating : PG
Director : Alfred Hitchcock
Writers : Novel : Anthony Berkeley, Screenplay : Samson Raphaelson, Joan Harrison & Alma Reville
Stars : Joan Fontaine, Cary Grant, Sir Cedric Hardwicke
Awards : Won Oscar. Another 2 wins & 2 nominations See more awards »

சஸ்பிஷன் - ஹிட்ச்காக்கின் இயக்கத்தில் காதல், காமெடி, சஸ்பென்ஸ், திரில்லர் பல அம்சங்களை உள்ளடக்கி 1941 ஆம் ஆண்டு வெளிவந்த திரைப்படமாகும்.ரெபெக்கா படத்தின் மூலம் பிரிட்டன் சினிமாவிலிருந்து ஹாலிவுட்டில் காலடி எடுத்த வைத்த ஹிட்ச்காக் தனக்கென்று ஒரு தனி இடத்தை உருவாக்கி தந்த படமாக இதனை கூறலாம்..சைக்கோ படத்தை பார்த்தவர்களுக்கு கண்டிப்பாக தெரியும், ஹிட்ச்காக்கின் கலை நேர்த்தியை பற்றி (எனக்கு அத பத்தி ஒன்னுமே தெரியாது)..அதற்கு 20 ஆண்டுகளுக்கு முன்னமே தனது தனி மற்றும் திறம்பட்ட இயக்கத்தினால் மாஸ்டர்பீஸ் என்று சொல்ல முடியாவிட்டாலும் சிறந்த படைப்பாக ரசிகர்களுக்கு விருந்தாக்கி தந்துள்ளார்..

இந்த படத்தை பார்க்க விரும்புவர்கள் கீழே உள்ள லிங்க்கை பதிவிறக்கம் செய்ய பயன்படுத்திக்கொள்ளலாம்..

+++++++++++++++++++++++++++
++++++++++++++++++++++++++

சஸ்பிஷன் திரைப்படத்தின் கதைச்சுருக்கம் :
==============================================

அருமையான காட்சிகளை ஒன்றன் பின் ஒன்றாக மறைத்துவைத்திருக்கும் படமிது..

Johnny Aysgart (Cary Grant), ஓர் அழகான பொறுபற்ற வாலிபர்.. சூதாட்டத்தில் பணத்தை அள்ளி கொட்டி எந்த வேலையும் செய்யாது, அப்படியே செய்தாலும் நிலையாக இல்லாது வாழ்ந்து வருபவர்.ஒரு நண்பர் என்று யாரையும் விடாது கடனை வாங்கி விளையாட்டாக பொழுதை  போக்கிவருபவர்...


தற்ச்செயலாக Lina McLaidlaw (Joan Fontaine) என்பவரை சந்திக்க, அவருடன் காதலில்  விழுகிறார்.. ஜோனியின் பேச்சிலும் செயல்களிலும் கவர்ந்திட இருவரும் முழுமையாக பெற்றோர் சம்மதமின்றி திருமணம் செய்துக்கொள்கின்றனர்.இதில் லீனா, பணக்கார குடும்பத்தை சேர்ந்த அழகான இளம் பெண்.திருமணத்துக்கு பிறகு, ஜோனியின் சுய உருவம் லீனாவுக்கு தெரிய வருகிறது..இவர் இப்படி பிறரை நம்பி வாழ்க்கையை ஓட்டிக்கொண்டிருப்பதை எண்ணி வருந்த வேலைக்கு செல்கிறார் Johnny..."போன மச்சான் திரும்பி வந்த கதையாக" அந்த வேலையும் போக இதை தன் மனைவியான லீனாவிடமே மறைக்க செய்கிறார்.இதனை அறிந்துக்கொள்ளும் லீனாவுக்கு
மேலும் பல அதிர்ச்சிகள் காத்திருக்கின்றனஎப்பொழுதும் பொய், சூதாட்டம் என்று போக்கிரித் தனமாக இருந்து வரும் தன் கணவனின் மீது பல தவறான எண்ங்களை வளர்த்துக்கொள்ள ஆரம்பிக்கிறார்..அது தன் கணவன் ஒரு குற்றவாளி..ஏன் கொலைகாரன் என்றுக்கூட நம்பும் அளவுக்கு போகிறது.ஜோனி தனது நெருங்கிய பணம் வசதி உள்ள நண்பனை கொன்றதாக கூறிக்கொண்டு காவல்த்துறையும் வர, பல மன உளைச்சலுக்கும் சந்தேகத்துக்கும் ஆளாகிறார்..பணத்துக்காக எதையும் இவர் செய்வார் ??? என்று நினைத்துக்கொள்ளும் லீனாவுக்கு இன்னொரு பெரிய அதிர்ச்சியாக இவர் தன்னையே.."ஐய்ய்யோஓ?????"" (லீனா பணக்காரர் வேற என்னவாக இருக்க போகிறது.."கொலைதான்))

சஸ்பிஷன் திரைப்படத்தை பற்றிய சில
=========================================
சுவாரஸ்யங்கள்..
===================
  
சஸ்பிஷன் என்ற வார்த்தைக்கு தமிழில் சந்தேகம் என்று மொழி பெயர்க்கலாம்..அதற்கு சற்றும் குறையாத வகையில் சந்நேகத்தை படம் முழுக்க திரைத்துளிகளாக பயன்படுத்தி செம்மையான ஒரு சஸ்பென்ஸ் படத்தை காலம் கடந்தும் மனதில் நிற்க்கும்படி செய்துள்ள இயக்குனருக்கும் திரைக்குழுவினருக்கும் முதலில் பல நன்றிகள்..
===================

உலகத்திலேயே மிகப் பெரிய குணமாகாத நோயாக நான் நம்புவது சந்தேகத்தைதான்..
உலகத்தில் கொடிய நோய்களாக கருதப்படும் AIDS/HIV, Cancer போன்ற நோய்களுக்கு கூட முழுமையாக எதிர்க்காலத்தில் பரி பூரண குணமடையச் செய்யக்கூடிய மருந்துகளை கண்டுபிடிக்க செய்யலாம்..ஆனால்


இந்த சந்தேகம் ?? விடைகள் இல்லாத வினாவாகின்றது..இந்த சந்தேகம் என்ற ஒரு வார்த்தை மனிதருக்கு தூக்கம், நிம்மதி, அமைதி, சந்தோஷம் என்று வாழ்க்கையை வாழ்வதற்கு தேவையான அனைத்தையும் பறித்துக்கொள்கின்றது என்றே சொல்ல வேண்டும்..ஒரு முறை இச்சந்தேக நோய் நம்மை தொற்றுமெனில் தீர்ப்பது கடினம் என்பது என் தனிப்பட்ட கருத்து.இப்படிபட்ட சந்தேகத்தை மையமாக கொண்டு நம்மை படத்தினூடே அழைத்துச்செல்கிறார்கள் ஹிட்ச்காக்கும் அவரது திரைப்பட குழுவும்.சந்தேகங்கள் உருவாக கூடிய சந்தர்ப்பங்களையும் இதனால் ஏற்படும் விளைவுகளையும் மேலோட்டமாக அலசும் கதைக்களம் கொண்ட படைப்பிது..   
===============================

   நடிகர்களை குறைவான எண்ணிக்கையில் வைத்து காட்சிகளில் நீண்ட உரையாடல்களின் மூலம் சஸ்பென்சை கையாண்ட விதம் அருமை. லைவ் போட் படம் பார்த்தீர்கள் எனில் இதைவிட ஆச்சரியமாக இருக்கும்.வெறும் ஆறு ஐந்து கதாபாத்திரங்களில் அதுவும் ஒரே செட்டில் படத்தை எந்த குறையும் பெரியளவில் சொல்ல முடியாத வகையில் ஒன்றரை மணி நேரம் நம்மை இழுத்து அல்லது ஈர்த்துச்சென்றிருப்பார் ஹிட்ச்காக்..That Is Hitchcock.

டெக்னிக்கலை தாண்டி படத்தில் மிகப் பெரிய பங்கு நடிகர்களுக்குதான்..இந்த பொறுப்பை சரியான முறையில் 
ஓர் அனுபவமாக தந்திருக்கும் ஜோனி ஆய்ஸ்கார்த் என்ற கதாபாத்திரத்தில் கேரி கிரேண்டும் லீனாவாக ஜோஹன் ஃபோன்தைனும் கண்டிப்பாக பாராட்டதக்கவர்கள்..பணக்கார வீட்டு இளம் வயதினராவும், கல்யாணத்துக்கு பிறகு கணவனின் செயல்களில் சந்தேகப்பட்டு தட்டுதடுமாறி பதட்டபட்டு வருந்தும் மனைவியாகவும் வந்து, சிறந்த நடிப்பிற்க்கான ஆஸ்கரை ஃபோந்தைன் தட்டிச்சென்றது குறிப்பிடதக்கது.

அதற்கு இன்னொரு புறமாக கேரி கிரேண்ட், நடிப்பு வசனங்கள் என்று எல்லாவற்றிலும் //மென்மை கலந்த முதுமைப்பெற்ற நடிப்பில்// ஒரு புதுமையான நடிப்பை வழங்கியதோடு நேரற்ற மனநிலை உள்ளவராக வந்து கலக்குகிறார்..60 வருடங்களுக்கு முன்பே இப்படியெல்லாம் யோசித்து நடித்திருப்பார்களா என்ற வியப்பையும் கொடுக்கிறார்.."இவரு கொலையும் செய்வாறு" படம் போகிற போக்கில் நானும் சொன்னேன் என்றால் பாருங்களேன்.. 
==========================================    

1932 - ஆம் ஆண்டு Anthony Berkeley என்ற எழுத்தாளரின் கைவண்ணத்தில் உருவான Before the Fact (1932) என்ற நாவலை அடிப்படையாக கொண்டு சில மாற்றங்களுடன் எடுக்கபட்ட படம் சஸ்பிஷன் என்பது ஒரு சிறப்பு..
=================================================


லீனா மற்றும் ஜோனிக்கும் இடையில் இடம்பெறும் காதல் காட்சிகளும் உரையாடல்களும் இனிமையாக இருக்கும்..டிரைனில் முதன் முதலாக சந்தித்துக்கொள்ளும் காட்சி (டிக்கெட் மற்றும்  லீனாவிடம் பணம் கேட்கும் தருணங்கள்), இதற்கு அடுத்து சந்திக்கும் போதெல்லாம் MonkeyFace என்று சொல்லும் காட்சிகள் எல்லாமே ரசிக்கும் தன்மையில் இருக்கும்..மேலும் படத்தின் பிற்பாதியில் ஜோனி தோழனுடன் விளையாடும் எழுத்து விளையாட்டு என்று சில திரில்லான காட்சிகளை அமைத்திருக்கின்றனர்.                    
==================================================

ரோட்டென் டொமொதோஸில் 100%, ஐஎம்டிபியில் 7.5 என்று உலகளவில் விமர்சனங்கள் ரீதியில் நல்ல மதிப்பையும் வசூலையும் வாங்கி தந்த படமிது.
======================================================

எந்த படமும் முழுமையாக எல்லா வகையிலும் சிறப்பாக அமைவது கிடையாது என்பது என்னுடைய தனிபட்ட கருத்து..அந்த வகையில் முதல் காட்சியில் தொடங்கி டெக்னிக்கல் + கதைச்சொல்லல் என்று படம் திறமையாக செல்ல


இறுதி காட்சிகள் நம்மை படத்துடன் முழுமையாக ஐக்கியமாக மறுக்கிறது.. அதற்கு காரணம் யாரென்றும் ஏன் என்று தெரியவில்லை என்றாலும், இவ்வளவு நல்ல கதைக்கு இந்த மாதிரி ஒரு இறுதி முடிவு/காட்சிகளை தவிர்த்திருக்கலாம்..என்றும் இல்லாத வகையில் பார்த்த மற்ற ஹிட்ச்காக் படங்களோடு ஒப்பிடும்போது இது நிறையவே ஏமாற்றத்தை கொடுத்தது..

ஒரு வேளை இந்த முடிவு அன்றைய மக்களுக்கு ஏற்றாட் போல தயாரிப்பாளர்கள் அமைத்திருக்கவும் வாய்ப்புகள் உண்டு.என்ன இருந்தாலும் சொன்னாலும் சுமார் 70 ஆண்டுகளுக்கு முன்னர் இந்த மாதிரியான ஒரு முயற்சி நம்மை ஆச்சரியம்படவைக்க கூடியை என்று கூறினால் அது மிகையாகாது.
================================================================


இந்த படத்தின் இறுதி காட்சிகள் ஹிட்ச்காக்கின் விருப்பத்துக்கு எதிமாறாக எடுக்கப்பட்டதாம்.உண்மையில் தான் படத்தின் இறுதி முடிவை வேறு விதத்தில் எடுக்க திட்டமிட்டு சில கட்டாயத்தின் பேரில் மாற்றியதாக 1967 - ஆம் ஆண்டு பிரெஞ்சு திரைப்பட மேதை Francois Truffaut உடன் இடம்பெற்ற ஒரு உரையாடலில் ஹிட்ச்காக் குறிப்பிட்டுள்ளார்.மாற்றியிருந்தால் படம் இன்னும் சிறப்பாக இருந்திருக்குமோ என்னமோ. @@
==========================================================================

 சஸ்பிஷன் - ஒரு சாதாரண கதையை கொண்ட படம்..இதனை எழுத்தாளருடன் இயக்குனர் இணைந்து எடுத்திருக்கும் திரைக்காட்சிகள் காலத்தை கடத்து நம்மை சற்றுக்கூட விறு விறுப்பு குறையாது கைகளை கட்டி போடுகிறது..மொத்தமாக கூறின், இது எனக்கு பிடித்த ஹிட்ச்காக் படங்களில் ஒன்றாகவே மாறிவிட்டது..இறுதி காட்சிகளை கண்டுக்கொள்ளாது அல்லது முடிவை எதிர்ப்பாராது திரையில் கண் பார்வைகளை நகர்த்துபவர்களுக்கு ஒரு கிளாசிக் சஸ்பென்ஸ் திரில்லர் வகையிலான ஒரு விருந்து.


சஸ்பிஷன் : கணவனை சந்தேகிக்கும் மனைவிகளுக்கு (ஹி..ஹி..சாரி)


IMDB RATING : 7.5 / 10
MY RATING : 7.0 / 10 : Hitchcock's Classic Suspense..
Alfred Hitchcock's Special :
Trivia : படத்தில் Sealyham Terrier என்ற நாய் ஒன்று வரும்..இது ஹிட்ச்காக் அவர்களது சொந்த வளர்ப்பு பிராணியாம்..இதே நாய் இன்னொரு ஹிட்ச்காக் படத்திலும் வருமாம்..அந்த படம்?? (அப்ப எழுதும் போது சொல்கிறேன்).
Director Cameo : திரைப்படத்தின் உள்ளே 45 ஆவது நிமிடத்தில் வருகிறார்..எப்படி வருகிறார் ? யாராக வருகிறார் ? என்பதை படம் பார்த்தவர்கள் அல்லது பார்க்க இருப்பவர்கள் ஒரு ஃப்ரேம் விடாம நன்கு பார்த்து கீழே பின்னூட்டத்தில் குறிப்பிடுங்கள்..வடை..ச்..ச்..சே சாரி "" விடை "" : ஹிட்ச்காக் பற்றிய தனிப்பதிவில் கூடிய விரைவில்.
பின் குறிப்பு : ஒவ்வொரு படங்களையும் ஓரிரண்டு முறைகள் தரிசித்து கொஞ்சம் அளவுக்கு அதிகமாகவே யோசித்து எழுதரனாலதான் பதிவுகள் பலவும் நீளமாக போவதாக எனது ஐன்ஸ்டின் முளை சொல்லிட்டு வருது..அதனால பலரும் இந்த அப்பாவியை மன்னிக்க வேண்டுகிறேன். இருந்தாலும் அடுத்தடுத்த பதிவுகளில் இதனை குறைக்க முயற்சி செய்கிறேன்..BYE >>     
========================================================================
ஏதேனும் தவறாக குறிப்பிட்டிருந்தால் மன்னிப்பதோடு கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்....மேலும், தங்களுக்கு பதிவுகள் பிடிக்குமெனின் ஓட்டளித்து ஊக்கமளியுங்கள்.சிறந்த ஆதரவுகளே சிறப்பான படைப்புகளை உருவாக்கும் என்ற நம்பிக்கையில் மீண்டும் அடுத்த பதிவில் சந்திக்கலாம்..அதுவரை நன்றி மற்றும் வணக்கம்.
உங்கள் ஆதரோவோடு,
Related Posts Plugin for WordPress, Blogger...