Falling Down (1993) - ஹாலிவுட் "இந்தியன்" தாத்தா..

Film : Falling Down     Year : 1993

Country : United States       Rating : R

Director : Joel Schumacher

Writers : Ebbe Roe Smith

Stars : Michael Douglas, Robert Duvall and Barbara Hershey

Awards : 1 win & 2 nominations See more awards »

சமுதாயத்தில் நிகழும் சில குற்றங்களையும் தவறுகளையும் பார்க்கும் பொழுது நமக்கு எப்படி இருக்கும்..?? சாதாரணமான ஒன்றுமே செய்யாத மனிதர்களை போட்டு இந்த குற்றங்கள் செய்யும் லீலைகள் இருக்கிறதே ?? காரணமே இல்லாமல் கூட நாம் இதனால் பல விளைவுகளை சந்திக்க நேர்கிறது..சம்பந்தமே இல்லாத மக்கள் தண்டிக்கபடுவது சரியா ???

 

  சரி..இப்படியே செய்பவர்களின் மீது, அன்றாடம் இந்த விஷயங்களை பார்த்து பார்த்து நொந்துப்போன, வாழ்க்கையே புளித்துப்போன ஒரு வேலையில்லாத, சராசரி வயது நிறைந்த மனிதன் இதற்கு எதிராக திரும்பினால் எப்படி இருக்கும் ?? ஒரு நாள் முதலமைச்சரைப் போல ஒரு நாள் தட்டிக்கேட்கும் மனிதனாக, வீரனாக மாறினால் அவனுக்கு ஏற்படும் விளைவுகள் என்ன ?? சமுதாயத்தில் அவனுக்கு கிடைக்கப்படும் பெயர், மரியாதை என்ன ?? என்பதை மிகவும் சிறப்பாக சமுதாய புரிந்துணர்வுகளோடு ஆழமாக சொன்ன படமே Falling Down..

தனது மனைவி மற்றும் குழந்தையை பிரிந்து வாழும் வேலையில்லாத ஃபோஸ்டெர் கதாபாத்திரத்தில் மைக்கல் டக்லஸ் மற்றும் போலிஸ் துறையிலிருந்து ரிட்டையர் ஆகும் இறுதி நாளில், ஃபோஸ்டெரை பிடிக்க துரத்தும் பிரண்டேர்கேஸ்ட் - ஆக ரொபெர்ட் டுவால் நடித்திருக்கின்றார்கள். போன் பூத் போன்ற அக்மார்க் திரில்லர் படங்களை எடுத்திருக்கும் ஜோயில் சூமாக்கர் இயக்கிருக்கும் கிரைம் டிராமா இது..கேன்ஸ் திரைப்பட விழாவில் சிறந்த படத்துக்காக போட்டியிட்ட இப்படத்தின் திரைக்கதையை Ebbe Roe Smith என்பவர் சிறப்பாக அமைத்திருக்கின்றார்.

படத்தின் முதல் காட்சியே அட்டகாசமாக எடுக்கப்பட்டிருக்கும்.. பார்ப்பவர்களை சீட்டின் நுணியில் உட்கார வைக்கக்கூடிய காட்சி அது..

   கிரடிட் கார்டு போட தொடங்கியதுமே ஃபோஸ்டெரின் முகத்தை காட்டியப்படியே சுற்றி உள்ள கார்களையும் அதிலுள்ள மனிதர்களின் கூச்சல்களையும் பட்டியல் போட்ட் வாரு கேமரா வட்டம் அடிக்கிறது.. போக்குவரத்து நெரிசலில் மாட்டிக்கொண்டு, காரில் ஏசியும் சரியா வேலை செய்யாத நிலையில் வியர்வைத்துளிகள் உடம்பில் காய இடமின்றி வழிகின்றன..இந்த வெளி சூழலும், சத்தங்களும் ஃபோஸ்டெரின் மன நிலையை பாதிப்பதை வெறும் எடிட்டிங், கேமரா ஷாட்டுகளோடு மற்றும் அந்த மனுஷன் மைக்கல் டக்லஸ் என்னமா நடிக்கிறாரு அந்தாளு..

யெப்பா படம் முழுவதையும் தன்னுடைய தோளினில் கொண்டு செல்கிறாரு..இங்கு தவறுதான் நடக்குதுன்னு தெரிந்து கோபத்தையும் ஆக்ரோஷத்தையும் வெளிப்படுத்தும் இடமாகட்டும் ஆட்களை போட்டு அடிக்கிற இடமாகட்டும்..இன்னும் கொஞ்சம் அடிடா.. ஆ,,.. அங்க குத்துடானு நம்மையும் சேர்த்து பதட்டபட வைக்கிறார்..இவரது முகபாவனைகளை பார்த்துக்கொண்டே இருக்கலாம்..ஒரு சின்ன பூச்சினை விரட்டி விரட்டி அடிப்பதில் போஸ்டரின் மனமாற்றத்தின் தீவிர உச்சத்தை மிகவும் அபாரமாக படம் பிடித்து இருப்பர்.   

"" பயப்புள்ளைங்க இதுக்கெல்லாம் ஆஸ்கர் புஸ்கருன்னு ஒரு மண்னாங்கட்டியும் கொடுக்கமாட்டேங்குரானுங்க..கொய்யால.""

ஒரு பக்கம் மைக்கல் டக்லஸ் என்றால், இன்னொரு பக்கம் சாந்தமான நிலையில் ரொபெர்ட் டுவால்.இவரது நடிப்பை பற்றி பேச எனக்கு வயது இல்லை.. அந்த அளவுக்கு நான் இவரது படங்களையும் பார்த்ததில்லை.நடிப்பை பற்றியும் ஒன்று தெரியாது..படம் முழுக்க ஒரு விதமான அசால்ட்டான நடிப்பால் மனதை அலங்கரிக்கிறார். 

  படத்தில் நிறைய காட்சிகள் பச்சை குத்தியதுப்போல மனதோரம் தங்கிட்டன.ஃபோஸ்டெரின் கோபத்துக்கு முதல் பலியாக வரும் கொரியாக்காரர்..அவரது கடையை அடித்து நொறுக்கிவிட்டு வாங்கிய சோடாவுக்கு காசை வச்சிட்டு போகும்போது, "ஏயா, ஃபோஸ்டெர் வெறும் காசு Change தானே கேட்டாரு இப்ப பாரு நீயே Change ஆகிட்டேனு மனசுல வந்துச்சி"..மேலும், தேவையில்லாமல் இரண்டு பேர் வந்து பொது இடத்தில் அமர்ந்ததுக்கெல்லாம் காசு, கைப்பெட்டி என்று கேட்க அப்படியே ஃபோஸ்டெர் கொரியன்கிட்ட கலப்பி எடுத்துட்டு வந்த பேட் கம்பால் ரெண்டு செமத்தையா போடும்போது, "போடு..அந்த பக்கிகள இன்னும் ரெண்டு அடி போட கூடாதானு திருப்பி ஃபொஸ்டெருகிட்ட திருப்பி நான் கேள்வி கேட்டேன்..(பாவம் டைரக்டர் அவரு காதுல விழுல)..அடிவாங்கிய அந்த ரெண்டு பேரும் வாகனத்துல வரும்போது "நம்மல அடிச்சவன் வந்துட்டாண்டா" எனு திடீரென்று துப்பாக்கிய எடுத்து டப்பு..டப்புன்னு போடும்போது, யெப்பா இவனுங்க சாதாக்கள் இல்லடா, தாதாக்களுடானு மறுப்படியும் இந்த பேதை மனசு சொல்லிக்கிச்சு..இப்படி எல்லாம் ஆட்டம் போட்டு அப்பாவி மக்களை பலி(ழி)வாங்கி வில்லத்தனம் பண்ணா என்னா நடக்குமுன்னு டைரக்டர் இந்த கும்பலோட நிலைமையின் வழி உணர்த்துகிறாரோ என்னமோ.


இப்படியே படத்தில் நிறைய காட்சிகளை சொல்லிக்கொண்டு போகலாம்..ஃபொஸ்டெர் வரும் காட்சியெல்லாம் "எவண்டா இவருகிட்ட அடுத்து பலியாடா ஆக போகிறவனு" மனதை டக்..டக் என்று மிகவும் திரில்லாக கொண்டு சென்ற படக்குழுவினருக்கு சில நன்றிகளை சொல்ல வேண்டும்..ஃபொஸ்டெர், அவரது முன்னாள் மனைவி, போலிஸ், ஃபோஸ்டெரின் பலியாடுகள் என்று திரைக்காட்சிகள் அனைத்தையும் இவர்களை சுற்றியே ஓடவைத்து ஒரே நாளில் நடக்கும் கதையை 110 நிமிடங்கள் தொய்வில்லாது கொண்டுச்சென்ற இயக்குனருக்கு பல கும்பிடுகள்.விமர்சகர்கள் மற்றும் ரசிகர்கள் மத்தியில் நல்ல வரவேற்பையே இந்த படம் பெற்றுள்ளது.ரோட்டென் தொமொதோஸ் இப்படத்துக்கு 75% சதவீத மதிப்பை தாராளமாக வழங்கி இருக்கிறது.   

படத்தின் டைட்டிலான Falling Down, ஃபோஸ்டரின் மன சரிவு அல்லது வீழ்ச்சியை குறிக்கிறது..இந்த வார்த்தையை படத்தின் சில இடங்களில் பார்க்கலாம்.வெறும் ஒரே நாளில் கதை நகர்வதாக எடுக்கப்பட்டிருக்கும் இத்திரைப்படத்துக்கு Barbara Hershey, Rachel Ticotin, Frederic Forrest, Tuesday Weld நடிப்பளவில் மிகப்பெரிய வலு சேர்க்கின்றனர்...எங்கு தேவையோ அங்கு பிரமாதமான ஓசை, ஒலிகள் கொடுத்து பின்னனி இசையில் இன்னொரு பாராட்டை பெறுகிறார் ஜேம்ஸ் நியூட்டன் ஹொவர்ட்...

பிறகு என்ன சொல்வது என்றே தெரியவில்லை இந்த படத்தை பற்றி..ஆனால், குடும்பத்தோட மட்டும் இந்த படத்தை பார்த்துவிடாதீர்கள்..பயப்படாதிங்க "அதுவெல்லாம்" எதுவும் இல்ல..ஆனால், படம் முழுக்க கெட்ட வார்த்தைகளா வந்து காதுல விழுவுது.நல்ல விஷயம்தான்.ஆனா, ரொம்ப கெட்ட விஷயம்...

  சமுதாயம் என்பது..சரி விடு..ஸ்டாப்.இத பற்றிலாம் எனக்கு எதுவும் தெரியாது.(அதான் உங்களுக்கு தெரியுமே). ஏதோ இந்த படம் பார்க கிடைத்தது..பார்த்தேன்..ஆச்சரியமே மிஞ்சியது.எதிர்ப்பார்ப்புகளோடு எத்தனையோ படங்களை பார்க்கிறேன்..அதுவெல்லாம் சரிதான் போடான்னு ரிவீட்டு அடிக்குது.ஆனால், உண்மையில் எந்த எதிர்ப்பார்ப்பும் இல்லாது வெறுமனே சும்மா பார்த்த இந்த படம் உள்ளுக்குள் ஏதோ பண்ணுது.கண்டிப்பா எல்லோரும் பார்க்க வேண்டிய படம்..இப்பொழுது 15, 16 வயசு இருக்கிறவங்க..ரெண்டு மூன்று வருடங்கள் கழித்தாவது பார்க்க வேண்டிய ஹாலிவுட் படம்..ஃபோலிங் டவுன்.

IMDB : 7.6 / 10

MY RATING : 7.4 / 10 

FALLING DOWN (1993) : கீழே விழுந்தா டக்குன்னு எழுந்திதுருங்க..

==================================================================

பின் குறிப்பு : இந்த பதிவில் பல தகவல்களை திரட்டி வாசகர்களுக்கு கொடுக்க சிறப்பாக உதவிய விக்கிப்பீடியாவுக்கு எனது நன்றிகளை தெரிவித்துக்கொள்கிறேன்.(பாருய்யா விக்கிப்பிடியாவுக்கு எல்லாம் நன்றி சொல்றான்..இவன் கடமை உணர்ச்சிக்கு அளவே இல்ல ஹி..ஹி..ஹி)  

===================================================================

ஏதேனும் தவறாக குறிப்பிட்டிருந்தால் மன்னிப்பதோடு கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்.... மேலும், தங்களுக்கு பதிவுகள் பிடிக்குமெனின் ஓட்டளித்து ஊக்கமளியுங்கள்.சிறந்த ஆதரவுகளே சிறப்பான படைப்புகளை உருவாக்கும் என்ற நம்பிக்கையில் மீண்டும் அடுத்த பதிவில் சந்திக்கலாம்..அதுவரை நன்றி மற்றும் வணக்கம்.

உங்கள் ஆதரோவோடு,

Horror Cinema : Secret Window (2004) - நிழலுக்குள் மறைந்திருக்கும் ஆபத்துக்கள்..

Film : Secret Window   Year : 2004

Country : USA        Rating : PG - 13 (Parents Guide >)

Director : David Koepp

Writers : Stephen King (novel), David Koepp (screenplay)

Stars : Johnny Depp, Maria Bello and John Turturro

Awards : 2 nominations See more awards »

சில வேலைகளுக்கு இடையே 2004 - ஆண்டு வெளிவந்த சீக்ரட் விண்டோ என்ற சைக்கலோஜிக்கல் ஹாரர், திரில்லர் வகையில் எடுக்கபட்ட திரைப்படத்தை எச்பிஓ அலைவரிசையில் பார்க்க வாய்ப்பு கிடைத்தது..

   ""ஆறு மாதமாக மனைவியை பிரிந்து, யாரும் இல்லாத தனிமையான வாழ்க்கையை ஓட்டி வரும் எழுத்தாளர் மோர்ட் ரையினிக்கும், எதர்ச்சையாக தன் மீது தன்னுடைய கதையை களவாடிவிட்டதாக கூறிக்கொண்டு தன்னை மிரட்டி, தனது உடமைகளையும் உறவுகளையும் சேதப்படுத்தும் ஜோன் சூட்டர் என்பவருக்கும் இருக்கும் உணமைகளையும், பயங்கரத்தையும் தனது தொய்வில்லாத திரைக்கதை மற்றும் நடிப்பால் கூறும் படம் சீக்ரட் விண்டோ"""

படத்தின் மிக முக்கியமான மோர்ட் ரையினி என்னும் திரை கதாபாத்திரத்தில் ஜோன்னி டெப்..

 இவரை அறிந்திராத ஹாலிவுட் ரசிகர்கள் மிகவும் குறைவு..Pirates of the Caribbean திரைப்பட தொடர்களின் மூலம் உலக புகழ்பெற்ற திறம் வாய்ந்த நடிகர் .. ரொம்பவும் பிடித்தமான நடிகர்.பல தரப்பட்ட கேரக்டர்களில் முத்திரை பதித்தவரான ஜோன்னிக்கு, இந்த பட ரோல் எல்லாம் எம்மாத்திரம் என்று மனதுக்குள் சொல்லிக்கொண்டேன்..தெ சைனிங்கில் ஜேக் நிக்கல்சன் அவர்கள் நடித்த ஏறக்குறைய அதே மாதிரியான வேடத்தில், ஆறு மாதங்களாக யாருடனும் பெரிதாக ஒட்டாத, மனைவியின் கள்ள காதலை அறிந்துக்கொண்ட சாதாரணமான எழுத்தாளராக வந்து அசாதாரணமான நடிப்பை, ஒவ்வொரு முகபாவனைகளிலும் அசைவுகளிலும் வெளிபடுத்தி மனதுக்கு மிக பெரிய ஆறுதலை கொடுக்கிறார்..இறுதி காட்சிகளில் இவரது கண்கள் இருக்கிறதே "பணம் கொட்ட வேண்டும்" இந்த நடிகனுக்கு..ஆனால் 80 ஆம் ஆண்டுகளிருந்து   நடித்து வரும் ஒரு சிறந்த நடிகனுக்கு இன்றுவரை ஆஸ்கர், எட்டாத கனியாக இருப்பது வியப்போடு கலந்து வருத்ததை அளிக்கிறது..

நடிப்பளவில் இத்திரைப்படத்தின் கூடுதல் பலமாக John Turturro, Timothy Hutton மற்றும் Maria Bello ஆகியோரை கூறலாம்.இதில் முதல் இரண்டு நடிகர்கள் இந்த படத்தில் கிடைத்த அறிமுகங்கள்..மரியோ பெல்லோவை பலருக்கும் தெரிந்திருக்கும்..நல்ல நடிகை.

இயக்குனர் David Koepp - Panic Room (2002), Angels & Demons (2009), Mission: Impossible (1996), Spider-Man (2002) போன்ற பல படங்களுக்கு திரைக்கதை அமைத்து இன்று நல்ல இயக்குனராக உருவெடுத்துவருபவர்.. ஜுராஸிக் பார் படத்தின் வழி உலகளவில் பிரபலமானவர். இவரது இயக்கத்தில் 2004 ஆம் ஆண்டு வந்திருக்கும் சீக்ரட் விண்டோ, கடந்த பத்தாண்டுகளில் உருவான நல்ல ஹாரர், திரில்லர் படங்களில் ஒன்றாக சொல்லலாம்.அதே நேரம் ஹாரர் படங்களை கரைத்து குடித்திருக்கும் ரசிகர்களுக்கு, இந்த படம் மொக்கையாகவும் அமையலாம்..//எப்படியோ பார்த்துட்டு பின்னூட்டத்துல சொல்லுங்கப்பா..//      

""The most important part of a story is the ending."

இது படத்தின் டேக்லைன் மட்டும் கிடையாது..படத்தின் உயிர் நாடியே இதுதான்..படம் ஆரம்பித்த அரை மணி நேரத்திலேயே த்ரில்லர் வெறியர்கள்  கண்டிப்பாக ஓரளவாவது கிளைமக்ஸை ஊகிக்கலாம்.அந்த வகையில் கொஞ்சம் வசதியாகவே தடயங்கள் வைத்து படத்தை நகர்த்தியுள்ளனர்.அதுவும் வலை தொடங்கியதிலிருந்து வழக்கத்துக்கு அதிகமாகவே சஸ்பென்ஸ் திரில்லர் என்று பார்ப்பதால் படம் போன முதல் 40 டூடூ 50 நிமிடங்களுக்குள்ளேயே டிவிஸ்டை உணர முடிந்தது..படம் பார்ப்பவர்களை நோகடிக்காத அதைவிட முக்கியம் ஏமாற்றாத விதத்தில் டிவிஸ்ட் அமைந்திருக்கும் ..மறுபடியும் (முன்னால எப்ப சொன்ன..) சொல்கிறேன் ஜோன்னி டெப்தான் படத்தோடு டபல் டிரீட்..

    

       திரைப்படத்தில் நிறையவே நல்ல காட்சிகள் ரசிகர்களுக்கென்று திரில்லாக மெனக்கட்டு ஏதோ பண்றேனு, நல்லாவே செய்து இருக்கிறார்கள்..முதல் காட்சியிலேயே "போவோமோ??போக வேணாமானு" 

ஏதோ ஒரு மாதிரி ரையினி மனதுக்குள்ளேயே பேசிக்க நம்மல எங்கயும் போகவிடாத மாதிரி ஸீனு ஸீனா பார்த்து தைச்சிருக்காங்க படக்குழுவினர்கள்..அதுவும் எந்த ஊசியும் நூலும் இல்லாம..//// படத்தின் சில சுவாரஸ்யமான காட்சிகளை சொல்ல வேண்டாம் என்று தவிர்க்கிறேன்..அப்பதான் திரில்லா..இருக்கும்...(அட அப்படியா??))

எழுத்தாளர் ஸ்டீபன் கிங், சினிமா மற்றும் புத்தக பிரியர்கள் பலருக்கும் அறிமுகமானவரே..  ஹாரர் படங்களுக்கு என்றே இயக்குனர்கள் ஜோன் கார்ப்பெண்டெர், சாம் ராய்மி போன்றவர்கள் எப்படியோ, அதே மாதிரி எழுத்து துறையில் தலைவர்தான் A TO Z..ஹாரர், சஸ்பென்ஸ் என்று ஒரு என்சைக்கலோபீடியாவாகவே வாழ்ந்து வருபவர்..2004 - ஆம் ஆண்டு இவர் எழுதிய நாவலை படமாக்கி இருக்கின்றார் இயக்குனர்.பல நல்ல கதைகளை படம் பண்றேனு சொல்லிட்டு..புகை ஊதுறேனு அதாங்க ரீலு..ரீலு - வுடற படங்களுக்கு மத்தியில் இந்த படத்த(யாவது) உருப்பிடியா எடுத்த பெரிய மனிதர்களுக்கு சில நமஸ்க்காரங்கள்..

விமர்சனங்கள் மத்தியில் சிறந்த வரவேற்பு இல்லையென்றாலும் 50, 60 சதவீதமாவது விமர்சக மற்றும் ரசிகர் பெருமக்கள் இடையே ஏற்றுக்கொள்ளபட்டது என்றே சொல்லவேண்டும்..உலகளவில் $92,913,171 வசூல் செய்த தொகையை இதற்கு சான்றாக கூறலாம்..

ஒரு முறை பார்த்த பிறகு இன்னொரு முறையும் பார்க்க தூண்டும் வகையான படமிது..சில வேலை காரணமாக ஒரு தடைவையே பார்க்க முடிந்தது...எச்பிஓ - வில் திரும்ப திரும்ப ஒளிப்பரப்பினாலும் பார்க்க நேரம் கிட்டுமா என்பது சந்தேகம்தான்..பட்..நீங்க மிஸ் பண்ணாதிங்க..வாய்ப்பு கிடைப்பின் பார்க்க வேண்டிய படமே..

@ பார்க்க வேண்டிய நேரம். : நள்ளிரவு (குட் நைட்)

@@ பார்க்க கூடாத நேரம் :: பட்டப்பகலில்.. (அட வேலை இல்லாட்டாலும்)

@@@ யார்//யாரோட பார்க்கலாம் ::: 15, 16 வயச கடந்தவங்க..

@@@@ எதுக்காக பார்க்கலாம் :::: மற்றவங்களோட எழுத்த களப்புனா என்னவெல்லாம் நடக்கும் என்பதை அறிய,,

'சோஓ..மொத்தத்தில், சீக்ரட் விண்டோ : பார்த்துட்டு சாத்திட்டு வந்து தூங்குங்க..

IMDB RATING : 6.5 / 10

MY RATING : 6.5 / 10 : Twist & Turns

நியூஸ் டெலிவரி : இந்த படத்தின் கதையை மாதிரியே (நால்லா கேட்டுக்கோங்க மாதிரிதான்)) நிறைய படங்கள் வந்துள்ளதாக படம் பார்த்த என்னோட ஐன்ஸ்ட்டின் மூளை யூகித்தது..என்னோட மூள என்னிக்கு தோற்றது சொல்லுங்க ?? சில நாட்களுக்கு முன்னாடி இணையத்தில் தேடும் போதுதான் பல படங்கள் இதே மாதிரி கதையில வந்ததா தெரிந்துக்கொண்டேன்..ஆனா ஒன்னு..பெரும்பாலான எல்லா படமும் 2004 - ஆம் ஆண்டுகளுக்கு முன்னாடி 60's, 70's, 80's, 90's எடுக்கபட்டவையாம்..அட அப்பயே எவ்வளவு பெரிய ஜீனியஸ் எல்லாம் யோசித்திருக்காங்க..ஹி..ஹீ.. டைம் கிடைப்பின் இனி வரும் வசந்த காலங்களில் எப்பயாச்சும் ஒவ்வொரு பார்வைகளாக பார்க்கலாம்.. 
==================================================================       

 ஏதேனும் தவறாக குறிப்பிட்டிருந்தால் மன்னிப்பதோடு கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்....மேலும், தங்களுக்கு பதிவுகள் பிடிக்குமெனின் ஓட்டளித்து ஊக்கமளியுங்கள்.சிறந்த ஆதரவுகளே சிறப்பான படைப்புகளை உருவாக்கும் என்ற நம்பிக்கையில் மீண்டும் அடுத்த பதிவில் சந்திக்கலாம்..அதுவரை நன்றி மற்றும் வணக்கம்.

உங்கள் ஆதரோவோடு,

Liebster Blog Award - அவார்டு கொடுக்க போறேன்..வாங்கங்கோ வாங்கோ.

@@ முதலில் வருகை தந்திருக்கும் பெரியவர்களுக்கும் வாசக நண்பர்களுக்கும் ஒரு ஸ்வீட்டான, இனிமையான, மகிழ்ச்சியான, சந்தோஷமான, (ச்சே சரிதான் விடுடா ரொம்பதான் தூசி தட்டுற..) வணக்கமுங்க..@@ 


முன் குறிப்பு : 

(1) என்னுடைய கதை..ஆரம்ப கதை..சோக கதை.வரலாற்று கதை.

(2) எனக்கு இந்த விருதை வழங்கியவருக்கு அன்பு காணிக்கை.           

(3) விருதை பற்றிய சிறிய அறிமுகம் (கட்டாயம் படிக்க வேண்டியது) 

================================================================

(1)   நல்லாவே இந்த ஞாபகம் மூளையில தாண்டவம் ஆடுது..சரியாக ஒரு வருடத்துக்கும் மேலாக ஆகிறது..தமிழ்ப்பதிவுலகில் நானும் வாசகனாகி..அதுவரை ஹாலிவுட், தமிழ் மசாலா படங்களுக்கு அடிமையாகி போன என்னை புதிய சினிமா உலகுக்கு இந்த தமிழ்ப்பதிவுலகம் அழைத்து வந்தது.சினிமா மீது உண்மையான மரியாதை பிறந்தது..சினிமா பற்றிய கட்டுரைகள் விமர்சனங்கள் என்று விடாது கிடைத்தவற்றை படிப்பதோடு பிடிஎஃப் கோப்புகளாக சேமிக்க தொடங்கிய காலக்கட்டம் அது..மனதை தட்டி எழுப்பியது.பள்ளி நேரமும் பாடமும் போக மீதி நேரங்களில் எடுத்து வைத்தவற்றை படிக்கலானேன்..ஆர்வங்கள் நிறையவே..இந்த தமிழ் தங்க சினிமா பதிவுகள் எந்தன் பார்வைகளுக்கு திரை வடிவங்கள் கொடுத்தன.அதுவர யூத்யூப் வீடியோக்கல் என்று இருந்த என்னை, இந்த ஆர்வங்கள் பல இணையத்தளங்களையும் மென்பொருள்களையும் பதிவிறக்ககளை நோக்கியும் பயணிக்க வைத்தன.இதனது தொடக்கமே புதிய சினிமா..புது வடிவம்.மெல்ல மெல்ல விமர்சனங்களை படிக்க படங்களை பார்க்க தொடங்கினேன்.

என்னுள் பல புதிய மாற்றங்கள்.

         .ஏன் நானும் ஒரு வலைப்பூ தொடங்கக்கூடாது,,.?? எனக்கு தோன்றியவற்றை ஏதோ ஒரு வடிவில் பதிவுச்செய்ய விரும்பினேன்.ஒரு பள்ளி விடுமுறை அதற்கு வழி வகுந்தது..சென்ற ஆண்டு (2011) செப்டம்பர் 2 ஆம் திகதி " எண்ணங்களும் திரைவண்ணங்களும் " என்ற பெயரில் தொடங்கியதுதான் இந்த வலைப்பூ..பதிவுலகத்தை வாசகனாக தொடங்கிய பயணத்தில் பதிவுலகில் ஒரு உறுப்பினராக சேர்ந்துவிட்டு அடுத்து என்ன செய்வதென்று கூட அறியாது தொடர்ந்து சில பதிவுகள் இட்டேன்..ஆதரவுகள் கண்களை எட்டின, கருத்துக்கள் மனதை ஊக்குவித்தன..எழுதினேன்..இன்றுவரை தொடர்கிறேன்./உங்களை போன்றவர்களின் ஆசியில்..

என் மீதான இன்றைய பார்வைகள் மிக தாமதமாக ஏற்பட்டவை என்பதை இங்கு குறிப்பிட இழைகிறேன்.அதற்கு காரணமும் நானே என்பதில் துளியும் சந்தேகமில்லை.

========================================================================

(2) சரி விடு பயப்புள்ள வுட்டா சீரியலா வச்சி கழுத்த அறுப்ப போல..மெய்ன்ஸ்டிரீமா மேட்டருக்கு வாரியா ??

முனு நாலு இருக்கும்..ராத்திரி ரொம்ப சந்தோஷமா கண்ண மூடுனேன் (அட..தூக்கங்க..நீங்க அவசக்கொணமா வச்சிக்காதிங்க)..அதற்கு முழுமையான காரணம் நம்ம பிரபல பதிவர் நம்ம நண்பர் ஹாலிவுட் ரசிகர்தான்//திடீரென்று வந்து ஒரு பின்னூட்டம் ""இந்த மாதிரி...இந்த மாதிரிங்க..ஒரு அவார்டுங்க.அதை எனக்கு கொடுத்தாங்க..அதை உங்களுடன் பகிர்ந்துள்ளேன்"" (இது என்னோட வார்த்தைகள்..அவரு ரொம்ப அழகா போட்டிருந்தாறு) என்று இருந்தது..உடனே அவருடைய போஸ்ட்டுக்கு செல்ல அழகான முழுமையான விளக்கங்கள் அவருடைய பாணியில் சிறப்பாக இருந்தது..அதில் அவர் இந்த விருதை பகிந்துக்கொண்ட ஐந்து பதிவர்களில் எனது வலைப்பூவும் இருந்தது..

  @@ என்னுடைய ஒவ்வொரு பதிவுக்கும் (நான் எவ்வளவு தாரு மாறா எழுதி வச்சாலும்) நல்லாருக்கு என்று சில வார்த்தைகளால் என் நெஞ்சை நிரப்பிய அன்பு நண்பர் ஹாலிவுட் ரசிகரே...தங்களுடைய விருதை மனதார பகிர்ந்துக்கொள்வதோடு நன்றிகளை கூறிக்கொள்கிறேன்.நன்றிங்க. @@

என்னைக் காட்டிலும் எத்தனையோ மடங்கு பதிவர்கள் தத்தம் பாணியில் சிறப்பான எழுத்து வண்ணங்களை தமிழாக வழங்கி வரும் போது, எனது எழுத்தையும் மதித்து பகிர்ந்ததில் என் மகிழ்ச்சியை உங்களுக்கு கூறிக்கொள்கிறேன் நண்பரே..

ஹாலிவுட் ரசிகர் : http://hollywoodrasigan.blogspot.in/ 

===================================================================================

(3) 'லீப்ஷ்டர்' வலைப்பதிவர்களுக்கு ஜெர்மனியில் வழங்கப்படுகின்ற விருதாம்..அதனது அர்த்தம் 'மிகவும் பிடித்த என்பதாகும்'. "இதைப் பெறுபவர், மேலும் தான் விரும்பும் 5 இளம் வலைப்பூக்களுக்கு அதாவது 200 உறுப்பினர்களுக்கு குறைவாக உள்ள வலைகளுக்கு விருது வழங்க வேண்டும். இதை தாங்கள் ஏற்றுக் கொண்டதன்  அடையாளமாக அதன் படத்தை தங்கள் வலையில் காப்பி  -பேஸ்ட் செய்து கொள்ளவும்.அந்த தொடர் சங்கிலியை உடைத்து விடாமல் மறவாமல் 5 பேர்களுக்கு வழங்கி புளங்காகிதம் அடைக."

Rules :

•Thank your Liebster Blog Award presenter on your blog.

•Link back to the blogger who presented the award to you.

•Copy and paste the blog award on your blog.

•Present the Liebster Blog Award to 5 blogs of 200 followers or less who you feel deserve

to be noticed. (Some say just 3 or more blogs of less than 200 followers each).

•Let them know they have been chosen by leaving a comment at their blog.

===========================================

(4) அவர் சொன்ன இந்த சங்கிலியை இங்கிருந்து தொடர்கிறேன்..அந்த ஐந்து பதிவர்களின் விபரங்கள் பின்வருமாறு.

(1) தமிழ் சினிமா உலகம் (சாவி) - சமீபத்தில் கிடைத்த ஒரு சிறந்த அறிமுகம்.வலை தலைப்புதான் தமிழ் சினிமா என்று இருக்கிறதே தவிர, ஹாலிவுட், தமிழ், தெலுகு என்று அனைத்து பிரிவுகளீலும் பின்னிப்பெடலை எடுக்கிறார்.சினிமாவின் மீதான இவரது காதல், இவர் வலையை பார்த்தாலே தெரியும்.இரண்டே நாளில் ஐந்து விமர்சனங்கள் எழுதி கலக்கிட்டாருன்னா பாருங்க..

(2) என் கிறுக்கல்கள்..(பிரசன்னா கண்ணன்) - சில மாதங்களுக்கு முன்பு கிடைத்த அறிமுகம்தான் என்றாலும்..அவரது பதிவுகள் சிலவற்றை படித்ததன் வழியே பெரிய ரசிகன் ஆகிவிட்டேன்..நான்கு ஆண்டு காலமாக பதிவுலகத்தில் இருந்து வருபவர்..குறைவாக எழுதினாலும் நிறைவாகவே எழுதுகிறார்.சினிமா, திரை இசை, என்று பல பிரிவுகளில் எழுதி வருகிறார்.அல்பிரட் ஹிட்ச்காக் பற்றி இவர் எழுதிய பதிவு, எனக்கு ஒரு இன்ஸ்பிரஷன்.இவர் அதிகமாக எழுத வேண்டும் என்பது என்னுடைய அவா.. 

(3) பாரதிக்குமார் - திடீரென்று ஒரு நாள் எதர்ச்சையாக இவரது வலைப்பூவுக்கு செல்ல, இவரது எழுத்துக்கு பரம ரசிகனானேன் என்பதே உண்மை.அயல்மொழி திரைப்பட விமர்சனம், சிறுகதை, கவிதை என்று என்ன வேண்டும் உங்களுக்கு..அத்தனையும் எளிதான தமிழிலும் சிறப்பான எழுத்து நடையும் இவரது வலையில் கொட்டிக்கிடக்கின்றன.இவர் ஒரு கவிஞர் என்பதை எழுத்துக்களே நிரூப்பிக்கின்றன..

(4) udanpirappe (Ravi Shankar) @@ பிறந்தோம்னா ஏதாவது சாதிக்கணும்,இல்லைனா இப்படி வலைப்பூவ ஆரம்பிச்சிடணும் ! @@ - இதுதாங்க இவரோட வார்த்தைகள்..இவரை ரொம்ப நாளாகவே தெரியும்.நன்றாக தொடர்ந்து எழுதி வருபவர்..சினிமா, சிறுகதைகள், சமூகம் என்று அத்தனையிலும் கலக்கி வருபவர்.இப்பக்கூட இவரோட வலையில அப்பா - மகன் சிறுகதை ஒன்னு பண்ணிருகாரு.. படிக்காதவங்க டக்குன்னு போய் படிச்சு ஃபால்லோவெர் ஆகிடுங்க. 

(5) The Good Stranger - கடந்த நான்கு வருடங்களாக எழுதி வரும் சூப்பர் பதிவாளர்..நகைச்சுவை, கவிதை, சினிமா விமர்சனம், சிறுகதைகள் என்று பலவிதமான பதிவுகளை அருமையாக எழுதி வருபவர்.இவருடைய அதிகமான பதிவுகளை படித்ததில்லை..ஆனால், சிறப்பாக இருக்கும்..இதுவரை 116 FOLLOWERS இருக்காங்கனா பாருங்க.

 சோ..இதன் மூலம் என்னோட ஐன்ஸ்டன் மூளை சொல்ல வருறது என்னானா..பதிவர்கள் அனைவருக்கும் என்னுடைய வாழ்த்துக்கள்..மற்றும் இதுவரை என்னுடைய எழுத்துக்கும் ஆதரவு வழங்கிவரும் வாசகர்களுக்கு நன்றிகள்.சரிங்க இதோடு இந்த விழாவை விட்டு விடைப்பெறுவோமா ?? பை..பை. 

====================================== 

ஏதேனும் தவறாக குறிப்பிட்டிருந்தால் மன்னிப்பதோடு கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்....மேலும், தங்களுக்கு பதிவுகள் பிடிக்குமெனின் ஓட்டளித்து ஊக்கமளியுங்கள்.சிறந்த ஆதரவுகளே சிறப்பான படைப்புகளை உருவாக்கும் என்ற நம்பிக்கையில் மீண்டும் அடுத்த பதிவில் சந்திக்கலாம்..அதுவரை நன்றி மற்றும் வணக்கம்.

உங்கள் ஆதரோவோடு,

Psycho / சைக்கோ (1960) : அவளை கொன்றவன் யார் ??

ஹிட்ச்காக் திரைப்படங்கள் (Hitchcock Films) என்ற தொடரின் முந்தைய பதிவுகளை படிப்பதற்கு : 

(1) ஆல்ஃப்ரெட் ஹிட்ச்காக் - சினிமாவின் புது மொழி 

(2) Suspicion (1941) : கணவன் மீது சந்தேகம்..

===============================================================

Film : Psycho            Years : 1960

Country : United States      Rating : R

Director : Alfred Hitchcock    

Writers : Joseph Stefano (screenplay), Robert Bloch (novel)

Stars : Anthony Perkins, Janet Leigh and Vera Miles

Awards : Nominated for 4 Oscars. Another 5 wins & 3 nominations See more awards »

  சுமார் 50 ஆண்டுகள் கடந்தும், இன்றுவரை உலகம் முழுவதும் உள்ள சினிமா காதலர்களால் கொண்டாடப்படும் ஹிட்ச்காக்கின் மாஸ்டர்பீஸ்களில் ஒன்றுதான் சைக்கோ. ஹாலிவுட் மட்டுமின்றி உலக சினிமாவின் மிகச் 

சிறந்த கிளாஸிக்குகள் பட்டியலில் தவறாது இடம்பெறும் ஒரு உனனத படைப்பாக இதனை கூறலாம். 1959 - ஆம் ஆண்டு எழுத்தாளர் Robert Bloch கைவண்ணத்தில் ஒரே தலைப்பிலான நாவலை அடிப்படையாக கொண்டு 1960 - ஆம் ஆண்டு Joseph Stefeno - வின் மிகச் சிறந்த திரைக்கதை அமைப்பில் ஹிட்ச்காக் இயக்கத்தில் வெளியானது.4 ஆஸ்கர்களுக்கு பரிந்துரைக்கபட்ட இப்படத்தின் முக்கியமான கதாபாத்திரத்தில் Anthony Perkins, Vera Miles, John Gavin, Martin Balsam, John McIntire, Janet Leigh ஆகியோர் நடித்து கதைக்கு மேலும் பலத்தை சேர்த்துள்ளனர்.  

ஒரு திரைப்படத்தின் ஏறக்குறை முழு கதையையும் முன்னமே இணையத்தளங்களில் படித்துவிட்டு படங்களை பார்க்கும் பழக்கத்தை வழக்கமாக கொண்டவன் நான்.ஆனால் ஹிட்ச்காக்கின் திரைப்படங்களுக்கு மட்டுமே இந்த வழக்கத்தினை சில வேளைகளில் விதிவிலக்காக வைத்துள்ளேன்.அதுவும் மேற்கூறிய திரைப்படத்திற்க்குப் பிறகுதான் என்பதில் பெரிய ஆச்சரியமில்லை.ஏனெனில் குறிப்பாக ஆல்ஃப்ரெட் ஹிட்ச்காக் அவர்களின் திரைப்படங்களை கதைகள் அறியாமலும் எந்த ஒரு கற்பனைகள் செய்யாமலும் பார்க்கும் பொழுது சற்று அதிகமாகவே சுவாரஸ்யங்களை உணர்வதும் ஒரு காரணம் எனலாம்.சஸ்பிஷன் போன்ற படங்களை தவிர்த்து இது போன்ற திரைப்படங்களின் கதைகளை சொல்வதை தவிர்க்கலாம் என்று விரும்புகிறேன் (தவறாக நினைத்தால் மன்னிக்கவும்).அதுவும் நீங்கள் ஒருவேளை இத்திரைப்படத்தை முதல் முறையாகப் பார்க்க விரும்பினால், இந்த அணுகுமுறை சரியாக இருக்கும் என்றே நினைக்கின்றேன்.

சைக்கோ திரைப்படத்தைப் பற்றிய சில 

=============================================

சுவாரஸ்யங்கள் :

======================= 

உண்மைச் சம்பவங்களை அடிப்படையாக கொண்டே எழுத்தாளர் Robert Bloch  இந்நாவலை எழுதியுள்ளார்.மேலும், இயக்குனரான ஆல்ஃப்ரெட் ஹிட்ச்காக்கின் கலை உலக வரலாற்றில் இறுதியாக எடுத்த கருப்பு வெள்ளை திரைப்படம்தான் இந்த சைக்கோ.

=======================

  "A boy's best friend is his mother"

      - Norman Bates in Psycho 

மேலும், இத்திரைப்படத்தில் Norman Bates  என்ற கதாபாத்திரத்தில் வரும் The Trial (1962)  படப்புகழ் Anthony Perkins..கண்களினாலேயே நடித்துவிட்டு சென்றிருக்கிறார்.. சாதாரணமான ஆள் நடமாற்றமே இல்லாத பேட்ஸ் என்னும் மோட்டெலுக்கு உரிமையாளராக வந்து இறுதிவரை தனது சின்ன சின்ன ஆழமான எக்ஸ்பிரஷன்களின் மூலம் தன் நடிப்புலக வரலாற்றில் ஒரு மைல் கல்லை தொட்டிருக்கிறார்..நல்ல நடிப்பாற்றலை ஆதரிக்கும் அல்லது விரும்பும் எந்த ஒரு ரசிகருக்கும் இவரது நடிப்பு ஒரு விருந்து எனலாம்.அதுவும் ஆக இறுதி காட்சியில் பின்னனியில் அந்த பெண் குரலுக்கு..யெப்பா சான்ஸே இல்லை..

===============================

அடுத்தது, Marion Crane என்ற பாத்திரத்தில் நடித்திருக்கும் Janet Leigh..தொடக்க காட்சியில் காதலுடனான உரையாடலில் ஆரம்பமாகும் .இவரது திருட்டு முக பார்வைகள் படம் பாதிவரை நிலவுகிறது.."திருட்டு" என்ற வார்த்தைக்கு பொருத்தமாகவும்  கதையில் நடந்துக்கொண்டு ஆஸ்கர் பரிந்துரையும் கூடவே பெற்றுவிட்டார்..இவர்தான் கதாநாயகி இனி இவரை சுற்றிதான் கதை என்று அனைவரும் நம்பும்படியாக வைத்துவிட்டு பிறகு கொடுக்கு வெடி இருக்கிறதே..அதுதான் ஹிட்ச்காக்கின் பன்ஞ்.

========================================

இன்றுவரை சினிமா ரசிகர்களால் மறக்க முடியாத பல அற்புதமான எவெர்கிரீன் காட்சிகள் படம் முழுவதும் நிரம்பி வழிகிறது.குறிப்பாக, அந்த குளியலறைக் காட்சி இன்றும் பலரை அதிர்ச்சியில் உறையவைப்பதாக படம் பார்த்த புதிதில் இணையத்தில் படித்தேன்.கேமரா கோணங்கள், ஆர்ட் டைரக்ஷன், துளிக்கூடச் சலிப்படையச் செய்யாதக் காட்சிக் கோர்வைகள், கதைச் சொன்ன விதங்கள் என்று ஒளிப்பதிவாளர், இயக்குனர் மற்றும் படக்குழுவினரின் உழைப்பு ஒவ்வொரு ஃபேரேம்களிலும் தெரிவதோடு இதுவே இவர்களை ரசிகர்கள் மத்தியில் தலைநிமிர்ந்து நிற்க்கச் செய்கின்றது.

==============================================

சிறந்த இயக்கம், ஒளிப்பதிவு,கலை மற்றும் நடிப்பு என்று 4 ஆஸ்கர் விருதுகளுக்கு பரிந்துரைக்கபட்டது குறிப்பிடதக்கதாகும்.

==================================================

Entertainment Weekly வெளியிட்ட சிறந்த திகில்ப்படங்கள் வரிசையில் சைக்கோ ஏழாவது இடத்தைப் பிடித்தது சிறப்பாகும்.அதோடு 2007 ஆம் ஆண்டு American Film Institute வெளியிட்ட மிகச் சிறந்த திரைப்பட பட்டியலில் பதினேழாவது இடத்தையும் பிடித்துள்ளது.

======================================================

கடந்த நூற்றாண்டின் அமெரிக்காவில் உருவாக்கபட்ட மிகச் சிறந்த திகில் திரைப்படமாக உலகமெங்கும் உள்ள ரசிகர்களாலும் விமர்சனர்களாலும் பரவலாக கருதப்படும் சைக்கோ, இன்றைய பல கலைஞர்களுக்கும் திரைப்படங்களுக்கும் ஒரு முன்னோடியாக திகழ்வதை யாராலும் மறுக்க முடியாது என்றால் அது மிகையாகது.

============================================================

Infamous for its shower scene, but immortal for its contribution to the horror genre. Because Psycho was filmed with tact, grace, and art, Hitchcock didn't just create modern horror, he validated it.

            - Rotten Tomatoes

உலகளாவிய நிலையில் பல ரசிகர்கள் மறும் விமர்சகர்ளாலும் 

பெரிய அளவில் பாராட்டை தொடர்ந்து பெற்று வரும் இத்திரைப்படம் தற்பொழுது ரோட்டென் தொமொதோஸில் 99 % சதவீதம் மதிப்பெண் பெற்றுள்ளது.

==========================================

பெர்னார்ட் ஹெர்மனின் இசை படத்துக்கு அஸ்த்திவாரம் என்று சொல்லுமளவுக்கு அவ்வளவு பக்குவமாக அமைத்திருக்கிறார்.அவர் போட்ட டீம் இசை இன்றுவரை என் கணினியில் வைத்துள்ளேன்.

=======================================================================

கடந்த 50 ஆண்டுகளில் இந்த படத்தின் தாக்கத்தில் மட்டும் உலகளவில் நிறைய படங்கள் வந்துள்ளதாக கூறப்படுகிறது.  நல்ல ஹாரர் படங்கள் என்றுமே நீங்காத உணர்வுகள் கொடுக்க கூடியவை.. இது தனிப்பட்ட முறையில் நான் சில படங்களில் அனுபவித்தது.இந்த படமும் அந்த வகையை சேர்ந்ததே.இந்த ஒரு வருடத்தில் ஐந்து முறையாவது பார்த்து ரசித்த படம்..கண்டிப்பாக ஹாரர் பிரியர்கள் மட்டுமன்றி சினிமா வெறியர்கள் பார்க்க வேண்டிய ஒரு அருமையான சைக்கலோஜிக்கல் ஹாரர் திரைப்படம் சைக்கோ (1960). 

IMDB : 8.6 / 10

MY RATING : 8.7 / 10 : A Chilling Horror Piece Of Art.

===============================================================

   கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்.ஏதேனும் தவறாக குறிப்பிட்டிருந்தால் மன்னிக்கவும்.மீண்டும் அடுத்த பதிவில் சந்திக்கலாம்.அதுவரை நன்றி மற்றும் வணக்கம்.

உங்கள் ஆதரோவோடு,