செர்பியா மொண்டெனேகுரோ : The Professional (2003) - சிறந்த படம்..

தொடர்ந்து சிறப்பான முறையில் ஆதரவு வழங்கும் வாசக நண்பர்கள் அனைவருக்கும் என்னுடைய மனமார்ந்த புத்தாண்டு வாழ்த்துக்களை தெரிவித்துக்கொள்கிறேன். எல்லாரும் நலம் பெறுவோமாக//   

=================================================================

Film : The Professional                    Year :2003

Country :  Serbia and Montenegro           Rating : R 

Director : Dusan Kovacevic       Writers : Dusan Kovacevic (play, screenplay)

Stars : Branislav Lecic, Bora Todorovic, Nataša Ninkovic

Awards : 5 wins & 2 nominations See more awards »  

எதிர்ப்பாராமல் பார்த்து பெரியளவில் அசந்துப்போன ஒரு அயல் நாட்டுப் படமான The Professional இன்றைய பார்வையாக,

      The Professional - செர்பியா மொண்டெனேகுரோவில் 2003 ஆம் ஆண்டு Dusan Kovacevic  என்ற என்பவரின் எழுத்து மற்றும் இயக்கத்தில் வெளிவந்த காமெடி கலந்த டிராமா வகையிலான திரைப்படம் ஆகும்.Branislav Lecic, Bora Todorovic, Nataša Ninkovic மற்றும் பலர் நடித்திருக்கும் இத்திரைப்படம் சர்வதேச திரைப்பட விழாக்களில் 7 விருதுகளுக்கு பரிந்துரைக்கபட்டதோடு அதில் ஐந்தையும் வென்றுள்ளது குறிப்பிடதக்கதாகும்.'

   செர்பியாவில் 90 - ஆம் ஆண்டுகளின் தொடக்கத்தில் நிகழ்ந்த உள்நாட்டு போரை மையமாக கொண்டு ஒரு வித்தியாசமான படத்தை எடுத்த படக்குழுவினர்களுக்கு மிகப்பெரிய நன்றிகள்.இப்படத்தின் வழியே செர்பியாவை பற்றிய சில தகவல்களையும் இணையத்தின் வழியே சில உண்மைகளையும் அறிந்துக்கொள்ள ஏகுவாக அமைந்தது.


+++++++++++++++++++++++++++++++
The Professional (2003) DVDRIP
++++++++++++++++++++++++++++++

  

கதைச்சுருக்கம் :

=================

முன்னாள் இலக்கிய பேராசிரியராக பல்கலைக்கழகத்தில் பணிப்புரிந்த Teodor "Teja" Kraj, 90 ஆம் ஆண்டுகளில் Slobodan Milošević - இன் ஆட்சியை தூக்கியெறிய கடுமையாக போராடியவர்.தற்பொழுது ஒரு பெரிய பப்ளிஷிங்க் ஹவுஸை (பத்திரிக்கை) நடத்தி வருபவர்

இங்கு வேலை செய்பவர்களிடையெ சம்பளம் உயர்வை கேட்டு நடத்தும் போராட்ட்டத்தில் தொடங்குகிறது கதை..

      திடீரென்று ஒரு நாள், ஒரு வயதானவர் கையில் பெரிய பெட்டியுடன் தெஜாவை சந்திக்க வருகிறார். தெஜாவின் கீழ் வேலை செய்பவரும் தற்போதைய காதலியுமான Marta அந்த முகம் தெரியாதவர் தெஜாவை சந்திக்க அனுமதியுடன் உள்ளேவிடுகிறார்..இவரை ஏதோ ஒரு எழுத்தாளர் என்று நினைக்க, மெதுவாக தொடங்கும் வசனங்கள் அந்த முகம் தெரியாத வயதானவர் Luka Laban (played by Bora Todorović) என்றும் இவர் முன்னாள் அரச போலிஸ் அதிகாரி என்றும் தெரியபடுத்துகின்றன..இப்படியே கொஞ்சம் கொஞ்சமாக உரையாடல்கள் மூலம் பல விடயங்கள் வெளிவருகின்றன..வந்தவர் போலிஸ் என்றும், இவரே தன்னுடைய முன்னாள் காதலியின் தந்தை என்பதோடு, கடந்த 10 வருடங்களாக தன்னை கொல்ல திட்டமிட்டு வந்தவர் என்று தெரியவந்து அதிர்ந்து போகிறார்...

திரைப்படத்தின் மீதக் கதையும் அதை தாங்கியப்படியான காட்சிகளும் இந்த இருவரும் தங்களுக்கு தெரியாமல் எப்படி சில செயல்களின் மூலம் ஒருவருக்கொருவர் எப்படி சம்பந்த பட்டிருக்கிறார்கள் என்பதை 10 ஆண்டுகளுக்கு பின்னால் ப்லேஷ்பேக்காக பயணிக்கிறது.

The Professional திரைப்படத்தை பற்றிய சில 

=============================================

சுவாரஸ்யங்கள் : 

==================== 

கொஞ்சம் நினைவுக்கு கொண்டு பார்ப்போம் :

      கடந்த 10 ஆண்டுகளாக வாழ்வில் நடந்த நிகழ்வுகளை உங்களால் ஞாபகம் அல்லது சிந்தனைக்கு கொண்டு வர இயல்கிறதா ? வந்தாலும் முழுமையாக ??? பலருக்கும் கேள்விக்குறிகள் மிஞ்சும் கேள்வி இது..(எனக்கும்தான்..)..

 நாம் செய்த தவறுகளும் ? நாம் தவறவிட்ட நிமிடங்களும் ? எத்தனை பேருக்கு சந்தோஷத்தை தந்திருப்போம்..அதே நேரம் எத்தனை பேருக்கு நாம் சுமையாக இருந்திருப்போம் ? இதுவெல்லாமே மனதுக்கு தெரிந்தோ தெரியாமலோ..ஆனால் கண்டிப்பாக இது பலரது வாழ்க்கையிலும் நடந்திருக்க வாய்ப்புகளுண்டு.

நாம் மறந்துப்போன அந்த நிகழ்வுகளை வேறொருவரின் பார்வைகளின் வழியே நம் கடந்தக்கால நினைவுகளை அலசும் பொழுது : எப்படி இருக்கும்..அந்த 10 ஆண்டுகளில் நம்மை பின்தொடர்ந்து நமக்கு தெரியாமல் நாம் பேசிய உரையாடல்கள், நடந்துகிட்ட விதம், நாம் செய்த தவறுகள், நன்மை, தீமை, இழப்பு, மற்றவர்கள் அனுப்பி படிக்காமல் விட்டுப்போன கடிதங்கள், தோல்வியில் முடிந்த காதல், உறவுகள், அன்பு, நட்பு என்று அத்தனையையும் பதிவுகளாகவோ, புத்தகங்களாகவோ அல்லது புகைப்படங்களாகவோ பிறர் நம்மிடம் தரும்பொழுது ???

  அந்த உணர்வு..வர்ணிக்க இயலாதது..(என்னால்.)

இந்த படம் இதனையே மையக்கருவாக வைத்து பேசுவது..ஒரு தனிப்பட்ட சிறப்பு.

==================================

கதை மொத்ததையும் அதிகமான அளவில் வசனங்களாகவே அலங்கரித்து படம் முழுவதும் தொய்வில்லாமல் கொண்டு சென்ற இயக்குனருக்கும், டீமுக்கும் கண்டிப்பாக நன்றியையும் பாராட்டையும் சொல்லியே ஆக வேண்டும்..Before Sunrise / Sunset ஆகிய படங்களுக்கு பிறகு அதுவும் நீண்ட நாளுக்கு பிறகு ஒரு வெளிநாட்டு படத்தில் இவ்வளவு திறமையான உரையாடல்கள் மற்றும் வசனங்களை ரசித்தது இந்த படத்தில்தான்..

======================================== 

பெரிய பலம் : படத்தில் போலிஸாக வரும் Bora Todorović என்பவரின் நடிப்புதான்..இவர் தோன்றும் முதல் காட்சியிலிருந்து இறுதிவரை அருமையான நடிப்பால் படம் முடிந்து நீண்ட நேரங்கள் மனதில் தங்கிவிட்டே செல்கிறார்..தன்னுடைய மகள் தான் கொல்ல நினைக்கும் அரசாங்கத்துக்கு எதிரியாக நடக்கும் ஒருவனை காதலிக்கிறாள் என்று தெரியவந்து இதற்கு அடுத்து வரும் காட்சிகள், ஹோட்டலில் அரட்டை அடிக்கும் எதிரியின் நண்பர்களோடு திருட்டுத்தனமாக (ஸ்பை) பேப்பர் விற்பவராக வந்து ஒவ்வொரு எக்ஸ்பிரஷங்களிலும் ரசிப்பு என்பதை தாண்டி கவர்கிறார்..அருமையான அசலான நடிப்பு.. 

   

=================================================

படத்தின் ஆணிவேராக இருந்து ஒவ்வொரு காட்சியையும் தூக்கி நிறுத்துவது Branislav Lecic, Bora Todorovic ஆகிய இருவர்தான்.தங்களது திறமைகளை திறம்பட வெளிபடுத்தியுள்ளனர்..அதிலும், Lecic இரண்டு முன்று வருடங்கள் செர்பியாவில் பண்பாட்டு அமைச்சராக பதவிவகித்தவராம்.பொராவுக்கு இணையான நடிப்பை மிக எளிதாக வழங்கியுள்ளார்.கார் விபத்தில் அடிபட்டு மருத்துவமனையில் இவர் செய்யும் முக பாவனைகள் எல்லாம் (காதை கடிக்கும்) சூப்பர்..எல்லா ஃப்ரேம்களிலும் அசத்துகிறார்..

=========================================================

திரைப்படம் தொடங்கும் பொழுதே (டைட்டில் கார்டு) செர்பியாவில் (அப்பொழுது : யுகோஸ்லாவியா) 90 ஆம் ஆண்டுகளில் நிகழ்ந்த சில சம்பவங்களின் நினைவுகளாக காண்பிக்கபடுகிறது..இது என்ன வேற வகை படமோ நினைப்பதற்குள் அடுத்தடுத்த காட்சிகளில் முற்றிலும் வேறொரு படைப்பாக வழங்கிய இயக்குனருக்கு நன்றி சொல்ல வேண்டும்.

==============================================================

 படத்தின் இயக்குனர் Dušan Kovačević, ஒரு ஸ்டேஜ் பிளே இயக்குனராம்..1990 - ஆம் ஆண்டு ஸ்டேஜ் டிராமாவாக இயக்கிய இந்த கதைய சுமார் 13  வருடங்களுக்கு பிறகு சிறப்பான வகையில் திரைவடிவத்தை கொடுத்துள்ளது குறிப்பிடதக்கது.

=====================================================================

படத்தில் ஒவ்வொரு வசனகளும் போல ஆணி அடித்தாற்ப் போல கதைக்கு உயிர் நாடிகளாக எழுதப்பட்டிருக்கின்றன..சோகம், அழுகை, சீரியஸான காட்சிகள் என்று எதிலும் விடாமல் காமெடி துளிகளை மறைமுகமாக அள்ளி கொடுத்த இயக்குனர் பாராட்டதக்கவர்.

=========================================================================

மேலும், மார்த்தா, தேஜாவின் நண்பர்கள் மற்றும் யூனியன் லீடர் ஆகியவர்களின் பங்கும் இப்படத்திற்கு பெரிய பலம்...சீரியஸான கதையில் ஆங்காங்கே இவர்களின் நடிப்பு நிறைய வேளைகளில் சிரிக்க வைக்கிறது.

=============================================================================

   இன்று செர்பியா அல்லது மொண்டெனெக்ரோ என்று அழைக்கபடும் நாடுகள் அன்று சில கூடுதல் தேசங்களோடு கூடிய யுகோஸ்லாவியா என்று இருந்தது குறிப்பிடதக்கது.இந்த நாட்டில் கூட உருப்பிடியா படம் பண்ணுவாங்களானு  ஏதோ கிண்டலு பண்ணிகிட்டு இந்த படத்தை பார்க்க போக, எனக்கு பிடித்த படங்களில் ஒன்றாகவே மனதோரம் தங்கிவிட்டது.இந்த படத்தை மையமாக கொண்டு இணையத்தின் மூலம் பல யுகோஸ்லாவிய படங்களை தேடி தேடி வருகிறேன்.

 உலக சினிமா ரசிகர்கள் கண்டிப்பாக பார்க்க வேண்டிய ஒரு படம் இந்த தெ ப்ரோஃபெஷனல்.

IMDB : 7.6 / 10

MY RATING : 7.9 / 10

கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்..ஏதேனும் தவறாக குறிப்பிட்டிருந்தால் மன்னிக்கவும்.மீண்டும் அடுத்த பதிவில் சந்திக்கலாம்.அதுவரை நன்றி மற்றும் வணக்கம்.

உங்கள் ஆதரோவோடு,