Follow by Email

Wednesday, 25 April 2012

Cast Away (2000) - உயிர் வாழ்வதற்கான போராட்டம்..


பள்ளி நாட்களில் ரோபின்சன் குருசோ என்ற நாவலை படிக்கும் வாய்ப்பு கிடைத்தது.. Daniel Defoe என்ற எழுத்தாளரால் 1719 ஆம் ஆண்டு வெளியிடப்பட்ட இந்த நாவல், தலைப்பு கதாபாத்திரமான ரோபின்சன் குரூசோவின் 28 ஆண்டுக்காலம் தனித்தீவில் தனியாளாக வாழ்ந்ததை விளக்குகிறது..இந்த புதினம் பள்ளி ஆங்கில பாடத்திட்டத்தில் ஒரு பகுது.ஆதலால், தேர்வுகளில் கேள்விகள் கட்டாயம் நிச்சயம்.அதன் காரணமாகவே நாவலை சில முறைகள் வாசிக்க மிகவும் கவர்ந்த ஒன்றாகவும் ஆனது..ஒவ்வொரு முறை வாசிக்கும் பொழுதும், ரோபின்சன் எப்படி இருப்பான், அந்த காட்சிகள் எப்படி இருக்கும் என்று பல முறை என் மனக்கற்பனையில் கதையோடு ஒட்டிபோன அனுபவம் உண்டு.

சில மாதங்களுக்கு பிறகு ஒரு நண்பருடனான உரையாடலில், இந்த படத்தை பற்றி பேச நேர்ந்தது.ரொம்ப நாட்கள் முன்னம் ஒரு படம் பார்த்திருந்ததாகவும், பெயர் ஞாபகமில்லை என்று கூறி சில காட்சிகளையும் ரோபின்சன் குரூசோ நாவலுடன் ஒப்பிட்டிருந்தார்அப்பொழுதே படம் என்றாவது பார்க்க வேண்டும் போல இருந்தது.. இணையத்தில் தேடி கண்டுப்பிடித்தேன்.டவுன்லோடு போட்டு சமீபத்தில் பார்க்கலானேன்.   
@@=================================================@@@============================================@@


நான்கு பாதை வழிகள் தனியாக பிரிய, தூரத்திலிருந்து ஒரு வண்டி போக கிரடிட் கார்டு போடும் போதே இது வித்தியாசமான படம் என்று மனம் ஊகித்தது.

FedEx நிர்வாகியான சக் நோலன், சில வேலை காரணமாக மலேசியாவுக்கு (எங்க நாடுல) பேக்கேஜஸ்களை அனுப்ப வேண்டி வருகிறது..கிறிஸ்துமஸ் வரவிருக்கும் அந்த சமயத்தில் நீண்ட நாள் காதலியான கெல்லி ஃப்ரியர்ஸ் உடனனான உரையாடலுக்கு பிறகு விமானம் ஏறுகிறார்.சில நேரங்கள் அசந்து தூங்கிப்போகிறார்.எழுந்தவர் பலத்த புயலால் சிக்கலில் இருப்பதை அறிந்துக்கொள்கிறார்.பிறகு என்ன விபத்துதான்.ஒரு வழியாக லைஃப்போட் உதவியுடன் மயக்க நிலையில் கரை வந்து சேர்கிறார்.
எழுந்து பார்க்கவே, சுற்றியும் கடல்...மலைகள், மரங்கள் என எல்லாமே இயற்கை தாயின் அணிவகுப்புகள்.சில தூரங்கள் நடக்கிறார்."ஹேலோ..ஹேலோ" என்றப்படியே கூச்சல் போடுகிறார்.யாரும் வந்தப்பாடில்லை.சுற்றிலும் உயிர்கள் வாழ்வதற்க்கான தடயங்களும் இல்லை..பக்கத்தில் கரை ஒதுங்கியிருக்கும் பேக்கஜ்களை எடுத்து வைத்துக்கொள்கிறார்..ஒரு வழியாக அந்த தீவில் உயிர் என்று சொல்லிக்க தன்னை தவிர யாரும் இல்லை என்ற முடிவுக்கு வர அவரது வாழ்க்கை படகு அங்கேயே பயணிக்கிறது..

இதுவரை பார்த்தது டிரைலர், இதுக்கு மேலதான் மேயின் பிச்சர் என்று தலைவர் சொன்ன மாதிரி இங்கு தொடங்கும் காட்சிகள்தான் படத்தின் உயிர் நாடிகள்..சக் நோலன் தப்பித்தாரா ?? என்ன செய்வார் ? எப்படி வாழ்வார் ? போன்ற நிறைய ஞாயமான கேள்விகளுக்கு காலம் போன போக்கிலேயே பதில் சொல்கிறது திரைப்படம்

கடந்த இருபது ஆண்டுக்கால அமெரிக்க சினிமாவில் தவிர்க்க முடியாத இயக்குனர்களில் ஒருவராக Robert Zemeckis அவர்களை கூறலாம்.மன நிலை பாதிக்கப்பட்ட ஒரு மனிதனின் வாழ்க்கை பயணத்தை ஃபோரெஸ்ட் காம்ப் என்ற திரைப்படைப்பாக வழங்கி ஆஸ்கர் விருதுகளை அள்ளிச் சென்றவர்.வித்தியாசமான கதைக்களம், கதாபாத்திரங்கள் என்று ஒவ்வொரு படத்தையும் வித்தியாசமாக காட்டிட நினைப்பவர்.இவரது திரை இயக்கத்தில் 2000 ஆம் ஆண்டு ஆண்டு இரண்டு முறைகள் ஆஸ்கர் வென்ற கவனிக்கத்தக்க நடிப்புலக கலைஞர்களில் ஒருவரான டோம் ஹேங்க்ஸ் அவர்களின் நடிப்பில் வெளிவந்த படமே Cast Away

 எனக்கு நடிப்பளவில் எந்த அனுபவமோ, திறமையோ என்றுமே இருப்பதாக உணர்ந்ததில்லை.அதை பற்றி எதுவும் தெரியாது என்பதே சத்தியமான உண்மை.ஆனால், நிறைய படங்களை பார்த்திருக்கிறேன். தமிழ் தொடங்கி பிற மொழிகள் என்று பார்ததவரையில் பிடிக்காத நடிகர்கள் என்று எவரும் இருந்ததும் இல்லை.என்னை பொறுத்தவரை நடிகர் என்பவர், "இனம், மொழி, பணம், ஏழை என்பதை தாண்டி அனைத்து தரப்பினரையும் கவர வேண்டும்.எல்லாருடைய ரசனைக்கும் நடிப்பளவில் ஒத்து வர வேண்டும்""..இது தனிப்பட்ட கருத்து.

 அந்த வரிசையில் டோம் ஹேங்க்ஸ் - இவரது நடிப்பு மிகவும் இயல்பானதுகதாபாத்திரங்களை தன்னுடையதாக்கி விருதுகளை தட்டிச்செல்பவர்களில் கெட்டிக்காரர்.இந்த படத்திலும் அதற்கு பஞ்சமே இல்லாதப்படி, கப்பல் கவுந்து, மனிதர் நடமாட்டமே அற்ற ஒரு தீவில் தன்னுடைய உயிரினை காப்பாற்றிக்கொள்ள துடிப்பவனாக சக் நோலன் என்ற கதாபாத்திரத்துக்கு உயிரை தந்திருப்பார்.உடலையும் தந்திருக்கிறார்.முதல் முப்பது நிமிடங்கள், பிற்ப்பாதி என்று ஒப்பிட்டுப்பார்க்க வேண்டும்.தன்னையே அர்ப்பணித்து நடித்திருப்பார்.நான்கு நாட்களுக்கு யாருமே துணையில்லாது இருந்தாலே பைத்தியம் பிடித்தது போல ஆகிவிடும் நம்மில் பலருக்கு.இது நான்கு வருடங்கள்.பேச்சு துணைக்கு கூட யாருமில்லாது ஒரு வெறிப்பிடித்தவனைப் போல வாழ்ந்திருப்பார்..ஆஸ்கருக்கு பரிந்துரைக்கப்பட்ட போதும் கிளேடியேடர் Russell Crowe - விடம் இழந்தது ஒரு பெரிய இழப்புதான்..ஒவ்வொரு திரை ரசிகரும் தவறவிடக்கூடாத நடிப்பு விருந்து..

@@=================================================@@@============================================@@
நியூஸ் ரீல் : இப்படத்தில் டோம் ஹேங்க்ஸை கதாபாத்திரத்தை மத்தியதர வயதினராக திரையில் காட்டிட வேண்டும் என்பதற்காக உடற்பயிற்சி எதுவும் செய்யாது எடை ஏற வைத்துள்ளார்களாம்..அதோடுபாதி சீன்கள் எடுத்த நிலையில் படப்பிடிப்பை ஒரு வருடம் தள்ளிவைத்துவிட்டார்களாம்..இந்த இடைப்பட்ட காலக்கட்டத்தில்டோம் ஹேங்க்ஸ் ஏறக்குறைய ஐம்பது பவுண்ட் எடையை குறைத்ததோடு முடியையும் தாரு மாறாக வளர்த்துவிடச் செய்தார்களாம்..படம் பார்க்கும் போது அது தெரியும்..எடை இருந்தாலும் எலும்பும் தோலும் ஆனாலும் நடிப்பில் கலக்குறாரு டோம் ஹேங்க்ஸ்
@@=================================================@@@============================================@@

தொடக்க காட்சிகளில் மெல்லமாகவும், விமான விபத்த்தில் பிரமாண்டத்தையும், யாருமே இல்லாது தீவில் ஒற்றை மனிதன் அவனது செயல்கள் என இயற்கை அழகோடு ஒவ்வொன்றையும் ரசித்து ரசித்து படமாக்கிய ஒளிப்பதிவாளர் Don Burgess - க்கு நன்றி சொல்ல வேண்டும்.பொதுவாக இயக்குனரான ஸெமெக்கிஸ் எடுக்கும் படங்களில் வித்தியாசமான ஒளிப்பதிவு இடம் பெற்றிருக்கும்.ரொம்ப கவனத்தில் கொண்டு தேவையானவற்றை நேர்த்தியாக பயன்படுத்துவார்.அதற்கு இந்த படம் ஒரு உதாரணம்.ரசித்த ஷாட்டுகள்/காட்சிகள் அதிகம்..ஃபிஜி தீவில் ரொம்ப அழகாக படமாக்கப்பட்டிருக்கும்.வேண்டும் என்றே தங்க எவராவது வந்தாலே ஒரே நாளில் பெட்டிக்கட்டிவிடும்படியான தீவது...அங்கு ஒரு மனிதன்..அவனை சுற்றி இயற்கை வளங்கள்..தீவை சுற்றி அதனது வெளித்தோற்றத்தை தனியேகேமரா வட்டமிடாமல்ஹேங்க்ஸை சுற்றியே அமைக்கப்பட்டிருப்பது சிறப்பு.அதுவும் குறிப்பாகசக் நோலன் கதாபாத்திரம் மலையில் ஏறி..அதன் உயரே நிற்க்கும் போது..பிரமிப்பு ஏற்படுகிறது.கேமரா கோணகளுக்காகவே இரண்டு முறை பார்க்கலாம்.

படத்துக்கு மிக பெரிய பலங்களாக Arthur Schmidt - யின் எடிட்டிங்க் மற்றும் Alan Silvestri - யின் இசையை சொல்லலாம்..அவ்வளவு அழகாக ஒவ்வொரு விஷயத்தையும் பார்த்து பார்த்து செய்திருக்கிறார்கள்


"படத்தில் இவருக்கு துணையே இல்லப்போலயே" என்று நினைக்கும் போது ஒன்று வருகிறது..மூச்சு இல்லாத பேச்சு அற்ற வில்சன் என்ற உயிர்..அந்த உயிரை நோலன் பார்த்துக்கொள்வது இருக்கிறதே, அந்த உறவை உயிரோட்டமாக காட்டிருப்பர்..அந்த உயிரை பிரிகையில் சக் நோலண்டுடன் சேர்த்து நம் மனமும் கலங்குகிறது..தனியாக அமைதியாக நீங்கள் இப்படத்தை பார்த்தால் அது தனி அனுபவம்..அவன் சிரித்தால் சிரிக்க, அழுதால் அழுக என்று நீங்களும் சக் நோலனாகவே மாறிட வாய்ப்புகள் உண்டு..தனிமையின் தவிப்பை நீங்களும் உணர்வீர்கள்./// அந்த உயிர் என்ன, யாது என்பதை படம் பார்த்தவர்கள் பின்னூட்டத்தில் சொல்லுங்க பார்ப்போம்..இப்பவே நன்றி உங்களுக்கு.///

இறுதி காட்சியில்நாலு பக்கமாக சாலைகள் பிரிய அதன் நடுவே சக் நோலனை நிற்கவைத்து, வாழ்க்கை பற்றிய தத்துவத்தை அவரவர் பார்வையில் விடும்போது இயக்குனருக்கு கைதட்டல்கள் கொடுக்க வேண்டும்.இப்படி பல காட்சிகளை அடுக்கடுக்காக சொல்லலாம்..ஆனால், அனைத்துமே சுவாரஸ்யத்தை கெடுப்பவையாக போய்விடும் என்ற நம்பிக்கையில் இங்கு சொல்லாது விடைப்பெறுகிறேன்..

ஒரு சிறந்த படைப்பென்பது என்னை பொருத்தவரை மனதை கவர்வதை தாண்டி, ஒருவரது நெஞ்சை துளைக்க வேண்டும்..அது ஆர்ட்ஹௌஸ் தொடங்கி ஆக்சன் படங்களாகவும் இருக்கலாம்..அவைகள் நாட்கள், மாதங்கள் கடந்து நிலைத்திருக்க வேண்டும்.அதுதான் என்னை பொருத்தவரை உண்மையான சினிமா.அந்த வகையில் காஸ்ட் எவே திரைப்படம், என் இச்சிறிய திரைப்பட பாதையில் ஓர் அனுபவம்.எல்லோரும் கண்டிப்பாக பார்க்க வேண்டியது.

IMDB : 7.5 / 10
MY RATING : 7.7 / 10
Cast Away : Definitely Worth Watching..

 ஏதேனும் தவறாக குறிப்பிட்டிருந்தால் மன்னிப்பதோடு கருத்துக்கள் இருந்தால் தயவு செய்து கமெண்ட்ஸ் பாக்ஸில் குறிப்பிடவும்..மேலும், தங்களுக்கு பதிவுகள் பிடிக்குமெனின் ஓட்டளித்து ஊக்கமளியுங்கள்சிறந்த ஆதரவுகளே சிறப்பான படைப்புகளை உருவாக்கும் என்ற நம்பிக்கையில் மீண்டும் அடுத்த பதிவில் சந்திக்கலாம்..அதுவரை நன்றி மற்றும் வணக்கம்.

உங்கள் ஆதரோவோடு,

41 comments:

  1. Replies
    1. ஐ..ஐ..சரியா சொல்லிட்டீங்க..ஐ..ஐ..வருகைக்கும் பின்னூட்டத்துக்கும் என் மனமார்ந்த நன்றிகள்.அடிக்கடி வாங்க சார்.

      Delete
  2. எனக்கென்னவோ டோம் ஹாங்க்ஸ் நடிப்பு பிடிப்பதில்லை...

    ஒரு குறிப்பிட்ட காலம் வரை சிவாஜி கமல் படங்களும் பிடிக்காமல் தான் இருந்தது...காரணம் என்னவென்று இது வரை புரியவில்லை...

    வழமை போல நல்ல முறைசாராத விமர்சனம்...பிடித்தது...

    உங்கள் கேள்விக்கு என்னிடம் விடை இல்லை...

    ReplyDelete
    Replies
    1. நண்பரே, தங்களது வரவில் மனம் மகிழ்கிறேன்..கருத்து பகிர்ந்தமைக்கு என் நன்றிகள்.
      எனக்கும் தொடக்கத்தில் டோம் ஹேங்க்ஸை பிடித்ததாக ஞாபகமில்லை..போக..போக அவரது நடிப்பு மீது எனக்கே ஒரு பிரியம் வந்துவிட்டது..அது உங்களுக்கும் நாளைடைவில் வரட்டும்..
      இந்த படம் பாருங்கள்.. உங்களுக்கு கட்டாயம் பிடிக்கும்/

      Delete
  3. ஆக்சுவலி.. நான் இன்னும் படமே பார்க்கலை.. ஆனா என்ன அந்த உயிர்னு கண்டுபிடிச்சுட்டேனே..
    Volley Ball !!
    ஜெய் அண்ணன் பதிவுல தான் இந்தப் படத்தோட அறிமுகம் கிடைச்சுது..
    http://worldmoviesintamil.blogspot.com/2010/03/blog-post.html
    அப்போ இதுதான் கதைன்னு எனக்கு தெரியாது.. படத்தோட பெயரையும் சரியா கவனினக்கலை.. இப்போ நீங்க அந்த "உயிரை" விவரிக்கும் போதும், டாம் க்ருஸ் பெரை கேட்கும் போதும் எங்கேயோ கிளிக்காச்சு! சரிதான்!!

    ReplyDelete
    Replies
    1. வருகைக்கும் பின்னூட்ட பகிர்வுக்கும் நன்றியோ நன்றிங்க..சில நாட்களாகவே எழுதி வருவதால்..பதிவு கொஞ்சம் நீண்டுவிட்டது..அதற்கு ஒரு மன்னிப்பு.அட ஜெய் சாரா...அவரு பதிவுகளின் மூலம் நான் அறிந்துக்கொண்ட படங்கள் ஏராளம்..விடை சொன்னது நீங்களாச்சே..எப்போதும் சரிதான்..

      Delete
    2. I donno why jay is not writing now a days.. Infact, I like jay writing a lot.. I mailed jay ( jaymoviereviews@gmail.com) regarding that.. he didnt reply. I think he is not checking this mail id(jaymoviereviews@gmail.com)..

      @JZ and @Kumaran,
      If you have Jay's contact e-mail, mail me in manojkumar.rg@gmail.com

      Delete
    3. @ Manoj - வேறு ஈ-மெயில் இருக்கான்னு எனக்குத் தெரியாது சார்! கருந்தேள், கார்த்திகேயன், ஜோதிஜி மாதிரி நெருங்கிய நண்பர்களிடம் நம்பர் இருக்கலாம்..

      Delete
    4. manoj sir, i don't know him in personally.
      But i love his film reviews.
      certainly one of the very best writer in tamil blogging world..
      please, ask him to back on writing if you get him in contact.
      thanks for your visit again.

      Delete
  4. /////மூச்சு இல்லாத பேச்சு அற்ற வில்சன் என்ற உயிர்..அந்த உயிரை நோலன் பார்த்துக்கொள்வது இருக்கிறதே, அந்த உறவை உயிரோட்டமாக காட்டிருப்பர்..அந்த உயிரை பிரிகையில் சக் நோலண்டுடன் சேர்த்து நம் மனமும் கலங்குகிறது..தனியாக அமைதியாக நீங்கள் இப்படத்தை பார்த்தால் அது தனி அனுபவம்../////
    ம்ம்... படம் பார்த்து படத்திலே ஒன்றிவிட்டால் இது போல தான்... கிட்ட தட்ட எனக்கும் இதே அனுபவம் தான் இந்த படம் பார்த்த பொது.........

    ReplyDelete
    Replies
    1. நண்பரே, உங்ககிட்ட போயி டாம் ஹேங்க்ஸ் பற்றி பேசலாமா சொல்லுங்க..நீங்க அவரோட செம்ம ரசிகர் ஆச்சே..வருகைக்கும் ரசித்தமைக்கும் தொடர்ந்து என் முதுகில் தட்டிக்கொடுக்கும் தங்கள் வாழ்த்துகளுக்கும் மிகுந்த நன்றிகள்...உங்களோட அடுத்த பதிவு என்ன சாரே..?

      Delete
  5. ரொம்ப நாள் கழிச்சு விமர்சனம் எழுதினாலும் எழுத்து நடையில கலக்கிட்டீங்க, நண்பா!
    படம் பார்க்கனும்ங்கற ஆவலை வெகுவாக தூண்டிவிட்டீர்கள்.. நாளைக்கு முடியாது.. வெள்ளி ஃப்ரீயா இருப்போன்.. பார்க்கிறேன்!

    * //தேர்வுகளில் கேள்விகள் "கட்டாயம் நிச்சயம்"//
    ரெண்டுமே ஒண்ணுதானே..

    ReplyDelete
    Replies
    1. தங்களது வருகைக்கு மிக்க நன்றிங்க நண்பா..ஏதோ எழுதுறேன்..அவ்வளவுதான்..உங்க அளவுக்கு வராது என்பதே உண்மை.படம் பாருங்கள்..உங்களுக்கு கட்டாயம் பிடிக்குமென்பதில் சந்தேகமில்லை.நன்றி.

      ரெண்டும் ஒன்னுதான் நண்பா, ஆனா எனக்கு பரிச்சையினு வந்துட்டா எல்லாமே ரெட்டையா தெரியும்ம்/

      Delete
  6. இந்த படம் நான் ஆங்கில படங்கள் பார்க்கும் பழக்கம் ஏற்படும் முன்பே பார்த்தது.
    பின்னர் சென்ற வருடம் திரும்ப பார்த்தேன்.எப்படி இப்படி எல்லாம் கூட யோசிகிறார்கள் என்று நினைத்தேன்.
    விமர்சனம் அருமை. தொடருங்கள்.நண்பரே தமிழ் படங்கள் விமர்சனம் எழதும் எண்ணம் உண்டா?

    ReplyDelete
    Replies
    1. நீங்கள் யாரு சார்..நிஜமான சினிமா ரசிகர் ஆயிற்றே..தங்களது வரவால் மகிழ்கிறேன்.மென்மேலும் ஊக்கப்படுத்தும் தங்களுக்கு என் மனமார்ந்த நன்றிகள்.தமிழ்ப்படங்கள் பார்க்கலாம் சார், ஆங்கில படங்களையே நான் இன்னும் முழுசா எழுத கத்துக்குள்ள..நீங்க எழுதுவதே பெரிய சிறப்பு..

      Delete
  7. நேத்து டெம்ப்ளேட் மாறியிருந்தப்பவே நினைச்சேன். குமரன் பதிவு போட ரெடியாகிட்டாருன்னு. மொத்த சினிமாட்டோகிராஃபி பத்தியும் ஆராய்ந்து கலக்கிட்டீங்க. நல்ல விமர்சனம்.

    எனக்கு பிடித்த நடிகர்களில் டாப் இடங்களில் இருப்பவர் டாம் ஹேங்க்ஸ். Forrest Gump, Terminal படங்களுக்குப் பிறகு இவரை ரொம்பவும் பிடிச்சுப் போச்சு. கட்டாயம் பார்ப்பேன். (நாட்கள் செல்லலாம்).

    நமக்குள்ள எதுக்கு நன்றியெல்லாம்? வரேன்.

    ReplyDelete
    Replies
    1. அது எல்லாம் எதுவும் இல்லங்க..வேலை எதுவும் இல்லனா..சும்மா மற்ற சமச்சாரங்களை நோக்கி கைகள் போயுறது..அதுக்கு ஒரு உதாரணம்..இந்த டெம்ப்ளேட்.விமர்சனம் என்ற பெயரில் நான் எழுதிய ஒன்று உங்களை கவர்ந்ததில் மனம் மகிழ்கிறேன்.படம் பாருங்கள்.உங்களுக்கு கண்டிப்பாக பிடிக்கும்..அப்படியே நீங்க ஒரு விமர்சனம் போடுங்க..என்னோட விட உங்களது சிறப்பா அமையும்.மீண்டும் நன்றிகள்.

      Delete
  8. the Green mile க்கு பிறகு எனக்கு பிடித்த டோம் ஹாங்க்ஸ் படம் .... கலக்கிடீங்க பாஸ்...

    ReplyDelete
    Replies
    1. நன்றி பாஸ்..நான் இன்னும் கிரீன் மைல் பார்க்கவில்லை..சீக்கிரம் பார்த்துவிடுவேன்.

      Delete
  9. அருமையான படத்திற்கு மிகஅருமையான விமர்சனம்.......
    இந்த படம் one of my Favourities..

    ReplyDelete
    Replies
    1. தங்களது வருகைக்கு என் நன்றியோடு வணக்கம் ராஜ்..தங்களுக்கும் இந்த படம் பிடித்ததில் மகிழ்ச்சி..சரி..நண்பரே தங்களது அடுத்த விமர்சனம் எப்போது ? வெயிட் பண்றோம் சீக்கிரம் வாங்க..

      Delete
  10. நல்ல விமர்சனம்...நானும் இந்த படத்தை பார்த்து ரசித்து இருக்கிறேன்.

    ReplyDelete
    Replies
    1. கோவை சார், தங்களது வருகைக்கு என் வணக்கமும் நன்றியும்..நீங்கள் படத்தை ரசித்ததில் மனம் மகிழ மகிழ்ச்சி.

      Delete
  11. ராபின்சன் குருசோ சிறு வயதில் படித்து...இன்றும் என் நினைவில் இருக்கும் நாவல்.
    அதன் பாதிப்பில் உருவான காஸ்ட் அவே மிகவும் பிடித்துப்போனது.
    இதன் திரைக்கதை அமைப்பை வளரும் இயக்குனர்கள் ஆய்வு செய்தல் நலம்.
    ஒரே ஒரு கேரக்டரை வைத்துக்கொண்டு ஒரு படத்தை சுவாரஸ்யமாக்கிய வித்தையை கற்றுக்கொள்ளலாம்.
    நன்றி.

    ReplyDelete
    Replies
    1. நீங்களும் படித்து இருக்கீங்களா அண்ணா, சந்தோஷம்..ரொம்பவும் என்ஞ்சோய் பண்ணி படிக்கக்கூடிய நாவல்.தங்களது வருகையில் மகிழ்கிறேன்.மிக்க நன்றி.

      Delete
  12. முதலில் ஆங்கிலப்படங்கள் என்றாலே நான் அடிதடிப்படங்கள் மட்டுமே பார்ப்பேன். நான் முதல் முதலில் பார்த்த பீல்குட் படம் இது. இந்த படத்தை பார்த்து விட்டு இந்த ஆளை ரசிக்க ஆரம்பித்து விட்டேன். அந்த வாலிபால் கேரெக்டர் மிக அருமையாக காட்டி இருப்பார்கள். அதே போல கிளைமாக்ஸில், அவர் லைட்டர் மூலம் நெருப்பை பற்ற வைத்து விட்டு அதனை வெறுமையாக பார்ப்பரே அந்த காட்சியும் அருமையாக இருக்கும்.

    ReplyDelete
    Replies
    1. நீங்க சொன்னது அத்தனையும் நானும் உணர்ந்தது.வருகைக்கும் கருத்துக்கும் நன்றியோ நன்றிங்க சார்..

      Delete
  13. Tom Hanks கூட அவ்ளோ பீல் பண்ணி இருக்க மாட்டார்.. இந்த படம் பாத்துட்டு அவருக்கு ஆஸ்கார் கெடகாத மேட்டர் தெரிஞ்ச உடனே செம கடுபானேன்.. இதெல்லாம் காவியம் பாஸ்..நம்மாள இந்த மாதிரி படமெல்லாம் எடுத்து பேர் வாங்க முடியாது.. எழுதியாவது பேர் வாங்குவோம்..

    ReplyDelete
    Replies
    1. தங்களது வருகைக்கும் பின்னூட்டத்துக்கும் நன்றிங்க நண்பா..டாம் ஹேங்க்ஸ் நடிச்ச நடிப்புக்கு அவருக்கு கட்டாயம் ஆஸ்கர் கொடுத்துருக்குனும்..என்ன செய்றது..இந்த மாதிரி அம்சத்துல படம் பத்தாண்டுகளுக்கு ஒரு முறைதான் தரமா வரும்..தமிழில்..கடவுளுக்கு மட்டுமே வெளிச்சம்.

      Delete
  14. இந்த படம் நான் பார்த்து கிட்டத்தட்ட ஒன்றரை வருடங்களுக்கு மேலாகிவிட்டது. நான் பார்க்கும் எல்லா படங்களையும் எனது நண்பர்களுக்கு சிபாரிசு செய்வதில்லை. ஆனால் நான் சிபாரிசு செய்த மிகச்சில படங்களுள் இதுவும் ஒன்று.

    அந்த பந்து நண்பன் "வில்சன்" கடலில் தொலைந்து போனதும் எனது தோழன் ஒருவனை உண்மையில் தொலைத்ததாக வருந்தியே போனேன். பலமணி நேர முயற்சிக்கு பின்னர் நெருப்பு பற்றிக்கொண்டதும் டொம் காட்டும் முக பாவனையும் நடிப்பும் பிரம்மாதம். எனது கருத்தின்படி நான் பார்த்த ஆங்கில படங்களில் சிறந்தவைகளில் "காஸ்ட் எவேக்கும்" ஒரு இடம் உண்டு.

    * மச்சி நமக்கு ஒத்த கண்ணு போனாலும் பரவாயில்லை, நமது எதிரிக்கு ரெண்டு கண்ணும் போனா சந்தோஷப்படணும். முனீக் குடுத்தாய்ங்க இல்ல அல்வாவ மட்ரிட்டுக்கு... ஐ ஆம் வெரி ஜாலி போ.....

    ReplyDelete
    Replies
    1. நீங்க தானாகவே வந்து கருத்துக்களை அள்ளி தெளிச்சதுக்கு அடியேனின் வணக்கம் மற்றும் நன்றிங்கோ..நான் ரசித்ததையும் பட்டியலிட்டுடீங்க.

      * அச்சு அசலு கரெக்டுங்க..ஆமா, மொரின்யோ இப்ப என்ன பண்ணிட்டு இருப்பாரு..ரொனால்டோ பெனால்ட்டிய எப்படி தட்டிருக்குனமுனு ஆலோசித்துட்டு இருப்பாரோ என்னமோ..யானைக்கும் அடி சறுக்கும் - பார்சாவுக்கும் மீண்டும் வெற்றிக்கனி பிறக்கும்.

      Delete
    2. /////நீங்க தானாகவே வந்து கருத்துக்களை அள்ளி தெளிச்சதுக்கு அடியேனின் வணக்கம் மற்றும் நன்றிங்கோ../////

      யோவ் ! அது என்னையா தானா வாறது? அப்போ மத்தவங்களை எல்லாம் காசு குடுத்து கூட்டிட்டு வாறியா? ஒரு பின்னூட்டத்துக்கு இவணவுன்னு பேட்டா குடுக்கிறியா? நான் தான் இளிச்ச வாயனா?

      ////// அச்சு அசலு கரெக்டுங்க..ஆமா, மொரின்யோ இப்ப என்ன பண்ணிட்டு இருப்பாரு..ரொனால்டோ பெனால்ட்டிய எப்படி தட்டிருக்குனமுனு ஆலோசித்துட்டு இருப்பாரோ என்னமோ..யானைக்கும் அடி சறுக்கும் - பார்சாவுக்கும் மீண்டும் வெற்றிக்கனி பிறக்கும்.//////


      அப்பிடியே நம்புவோமாக! கோபா டில் ரே நமக்கு தான்னு நெனைக்கிறேன்! பை தி பை பெப் குவாரியோலா தன்னோட கோச்சிங்க் பொறுப்பில இருந்து விலக போறாரு, "டிட்டோ வல்கவோ" (இப்போ அஸிஸ்டெண்ட் கோச்) வர போறாரு, பாக்கலாம் , பயல் பெப் ரேஞ்சுக்கு வேல செய்வானான்னு!

      Delete
    3. யோவ் ! அது என்னையா தானா வாறது? அப்போ மத்தவங்களை எல்லாம் காசு குடுத்து கூட்டிட்டு வாறியா? ஒரு பின்னூட்டத்துக்கு இவணவுன்னு பேட்டா குடுக்கிறியா? நான் தான் இளிச்ச வாயனா? @@

      எல்லா ஒரு பில்டப்புதான் மச்சி..நீங்க எவ்வளவு பெரிய நண்பர்.னிங்க வந்ததுக்கு நான் பாராட்ட வேண்டும் அல்லவா..அதான் பண்ணேன்.

      அப்பிடியே நம்புவோமாக! கோபா டில் ரே நமக்கு தான்னு நெனைக்கிறேன்! பை தி பை பெப் குவாரியோலா தன்னோட கோச்சிங்க் பொறுப்பில இருந்து விலக போறாரு, "டிட்டோ வல்கவோ" (இப்போ அஸிஸ்டெண்ட் கோச்) வர போறாரு, பாக்கலாம் , பயல் பெப் ரேஞ்சுக்கு வேல செய்வானான்னு! @@

      நீண்ட காலமாக உதவி கோச்சாக இருந்தவரை, பார்சலோனாவின் காற்பந்து ஸ்டலை பார்த்து பழகியவரையே இப்பொழுது டீம் கோச்சாக மாற்றியதில் சந்தோஷம்.சிறந்த ஆட்டக்காரர்களை இறக்குமதி செய்து டீமை மேலும் வலுப்படுத்துவார் என எதிர்ப்பார்ப்போம்.இன்னும் ஐந்து கேம்ஸ்களில் நம்ம கார்டியொலாவை நாம் பார்க்கலாம்.அவர் எங்கு சென்றாலும் வெற்றி அடையட்டும்/சில கால ஓய்வுக்கு பின் அவர் அர்ஜெண்டினா டீம் கோச்சாகுவார் என நம்புகிறேன்.

      மீண்டும் வருகைக்கு நன்றி.

      Delete
  15. நல்ல விமர்சனம்.

    நான் Cast away -மாதிரியே ஒரு படம் பார்த்ததாக நினைவு. அதில் ஒரு ஜோடி (கணவன் - மனைவி(?)) இது போல கடல் நடுவே தீவில் மாட்டிக் கொள்வர். அங்கிருந்து முதலில் வெளியேற நினைத்து, பின் முடியாமல் அங்கேயே வாழத் தலைப்படுவார்கள். அவர்களுக்குக் குழந்தை பிறக்கும். பின் குழந்தையின் எதிர்காலத்திற்க்கு அங்கிருந்து நாடு திரும்ப முயலுவர். ஆனால், படகிலேயே குழந்தை விஷ விதையைத் தின்று இறந்து போகும். [இதிலும் அவர் fedex ஊழியராக்கக் காட்டப்படுவதாக ஞாபகம்.]

    படத்தின் பெயர் மறந்துவிட்டது. நானும் என் மனைவியும் மீண்டும் அந்த படத்தை முழுவதுமாகப் பார்க்க ஆசைப்பட்டோம். ஆனால், படத்தின் பெயரைப் பார்க்க முடியவில்லை. தங்களுக்குத் தெரிந்தால் கூறவும்.

    ReplyDelete
    Replies
    1. தங்களது முதல் இனிய வருகையில் மனம் மகிழ்கிறேன் ஐயா..மிக்க நன்றி.
      நீங்கள் குறிப்பிட்ட திரைப்பட கதையை இதுவரை எதிலும் கண்டதாக நினைவில்லை..கதையை படிக்கவே நல்ல படமாக இருக்கக்கூடும் என்ற நம்பிக்கை பிறக்கிறது.பிறகு படத்தலைப்பு கிடைக்குமே ஆனால் கண்டிப்பாக இங்கு குறிப்பிடுகிறேன்.அடிக்கடி இந்த பக்கம் வாருங்கள்.தங்களது ஆதரவு நிச்சயம் வேண்டும். .

      Delete
  16. அருமையான விமர்சனம்!!!

    ராபின்சன் குரூசோ பற்றிய 2 படங்கள் ராபின்சன் குரூசோ என்ற பெயரிலேயே வெளிவந்துள்ளன. 1997 ல் வெளியான படத்தில் பியர்ஸ் ப்ராஸ்னன் நடித்திருக்கிறார்.

    மேலதிக விவரங்களுக்கு,

    Robinson Crusoe (1997)

    Robinson Crusoe (1954)

    ReplyDelete
    Replies
    1. தங்களது வருகைக்கும்..பின்னூட்டம் அளித்தமைக்கும் நன்றிங்க சார்.இந்த இரண்டு படங்களையும் நான் பார்த்தது இல்லை.பார்த்துவிட்டு கண்டிப்பாக இங்கு பகிர்கிறேன்.

      Delete
  17. பட ஆவலை வெகுவாக தூண்டிவிட் அருமையான பகிர்வுகள்.. பாராட்டுக்கள்..

    ReplyDelete
    Replies
    1. தங்களது கருத்து பகிர்ந்தமைக்கு மிக்க நன்றி சகோ,

      Delete
  18. இன்று வலைச்சரத்தில் உங்கள் பதிவைக் குறிப்பிட்டுள்ளேன். சமயமிருப்பின் பார்த்துக் கருத்திட வேண்டுகிறேன்.

    http://blogintamil.blogspot.in/2012/05/blog-post_02.html

    ReplyDelete
    Replies
    1. சார், நீங்க என்னையும் வலைச்சரத்தில குறிப்பிட்டத்தே பெரிய விஷயம்..இதுல வந்து வாசிக்காம இருப்பேனா..ரொம்ப நன்றி..

      Delete

Related Posts Plugin for WordPress, Blogger...

Google+ Badge